आइतबार, असोज ४ २०७७ | Sun, September 20, 2020
नेपालको समय: ०६:४९ | UK Time: 02:04

गुल्मेलीले भूकम्प पीडितलाई दिए दश लाख

वीनेपाली
२०७२ जेठ २८ गते १०:२१
gulmiuk1

तस्विर सौजन्यः शिव भण्डारी

 

लन्डन । गुल्मी जिल्ला समाज यूकेले नेपालको भूकम्प पीडितका लागि कुल १० लाख रुपैयां सहयोग उपलब्ध गराएको छ । समाजका पदाधिकारीहरुले बुधबार लन्डन दूतावास गएर कार्यवाहक राजदूत तेजबहादुर क्षेत्रीलाई पांच लाख रुपैयां हस्तान्तरण गरे भने बेग्लै ५ लाख रुपैयां गुल्मी जिल्लामै दिइएको हो ।

समाजका अध्यक्ष अर्जुन गौतम, महासचिव राम गलामी, सचिव शिव 
भण्डारी ,सह कोषाध्यक्ष राजन खरेल, सल्लाहकार कमल भण्डारी, सल्लाहकार गोकर्ण बस्नेत, मिडिया सेक्रेटरी फडिन्द्र भट्टराई लगायत अन्य सदस्यहरु दूतावास पुगेका थिए ।

आफ्ना सदस्य एवं शुभचिन्तकहरुबाट संकलित रकम दूतावासमार्फत् प्रधानमन्त्री 
राहत कोष पठाउन चेक हस्तान्तरण गरिएको समाजका महासचिव राम गलामीले जानकारी दिए । चेक बुझेपछि कार्यवाहक राजदूत क्षेत्रीले समाजका पदाधिकारीलाई धन्यवाद दिंदै समाजको सामाजिक कार्यको प्रशंसा गरे ।

उता, गुल्मी जिल्ला समाज यूकेका सल्लाहकार मोती भण्डारीले बुधबार नै जन्मभूमि गुल्मी पुगी जिल्ला राहत कोषमा ३ लाख रुपैयां हस्तान्तरण गरेका छन् । यसअघि भूकम्प लगत्तै गत मे १६ तारिखमा समाजका मिडिया सेक्रेटरी फडिन्द्र भट्टराईले गुल्मी जिल्लाको भूकम्पग्रस्त क्षेत्र खड्ककोट पुगी दैवी प्रकोप राहत कोषमार्फत् २ लाख रुपैयांभन्दा बढिको तत्काल आपतकालीन सहयोग वितरण गरेका थिए ।

गुल्मी जिल्ला समाज यूकेले विनासकारी भूकम्पलगत्तै अप्रिल २६ मा आफनो वार्षिक साधारण सभामार्फत् समाजका सदस्य एवं शुभचिन्तकमा अपिल गर्दै चन्दा संकलन थालेको थियो ।

प्रतिक्रिया

सम्बन्धित सामाग्री

फेसबुक