लन्डन । पर्वत वेलफेयर सोसाइटी यूकेले भूकम्पबाट क्षतिग्रस्त पर्वतका आठवटा स्कुल पुनर्निर्माणमा सहयोग गर्ने भएको छ । सोसाइटीले प्रत्येक विद्यालयलाई ५० हजार रुपैयांका दरले कुल ४ लाख रुपैयां प्रदान गर्ने निर्णय गरेको हो ।
पर्वत जेसिसको समन्वयमा पुनर्निर्माण अगाडि बढाइने सोसाइटीले जनाएको छ ।
सोसाइटीले सहयोग गर्ने विद्यालयमा टुलोदय मावि, जन नेत्र उच्च मावि, पशुपति उच्च मावि, सिद्ध मावि, पल्लुस्थान मावि, चन्द्र उच्च मावि, नेपाल तारा उच्च मावि र जनता निमावि छन् । पर्वतबाट यूके आइ बसोवास गर्ने पर्वतेहरुले चन्दा दिएर उक्त रकम प्रदान गर्न लागिएको हो ।
