बुधबार, कार्तिक १२ २०७७ | Wed, October 28, 2020
नेपालको समय: १५:०० | UK Time: 09:15

कुशलको इशारामा सब्रिनाको हट अवतार

वीनेपाली
२०७२ जेठ २७ गते १६:१६

2
लन्डन । नेपाली गीत संगीतको विश्व बजारको दायरा फराकिलो भए संगै नेपाली गीतको भिडियो निर्माणमा तीव्रता आएको छ । साथै देशमा मात्र नभएर विदेशका विभिन्न स्थानमा समेत नेपाली म्यूजिक भिडियोहरु निर्माण गर्ने क्रम आकाशिएको छ ।

प्रविधिको विकाससंगै भिडियोमा पृथक प्रयोग सबैको अपेक्षा छ यतिखेर । यही क्रममा विल्कुल नयां प्रयोगका साथ बेलायतमा एक भिडियो निर्माण भएको छ । रमेश दहालको शब्द, जेम्स प्रधानको संगीत रहेको गीतमा भिडियो बनेको हो । यसमा शैलेश महर्जनको स्वर छ र शैलेशको पहिलो गीत हो यो । यही गीतमा बेलायतको बोर्नमाउथ, आयल अफ वेट, पोल सेन्टर लन्डन जस्ता निकै महंगो र रमणीय लोकेसनमा भिडियो छायांकन गरिएको छ । भिडियो भिन्न देखाउने उद्देश्यले भिडियोमा ड्रोनको प्रयोग गरिएको छ भने पानी मुनी र समुद्री बोटमा पनि छायांकन गरिएको छ । यू ट्यूबबाट केही साता अघि नै सार्वजनिक गरिएको यो भिडियो नेपाली विभिन्न संचार माध्यमबाट यसै साता सार्वजनिक गरिंदै छ ।

भिडियो छायांकन, सम्पादन तथा निर्देशन लन्डनस्थित सञ्चारकर्मी कुशल श्रेष्ठले गरेका हुन् ।

भिडियोमा बेलायतको नेपाली डायष्पोराकी चर्चित मोडल तथा नायिका सव्रिना श्रेष्ठको हट अवतार देख्न सकिन्छ । तीन दिन लगाएर छायांकन गरिएको हो भिडियो । यस भिडियोमा कुशललाई प्रविधितर्फ कृष्ण सुवेदी, सूर्य मोक्तान, दिपस कार्की लगायतले साथ दिएका छन् । हरेक भिडियोमा फरकपन ल्याउन चाहने निर्देशक श्रेष्ठ यो भिडियो पनि अन्य भन्दा फरक भएको दावी गर्छन् । श्रेष्ठले एक दर्जनभन्दा बढी भिडियो निर्देशन गरिसकेका छन् ।

भिडियो 

प्रतिक्रिया

सम्बन्धित सामाग्री

फेसबुक