सोमबार, असोज १२ २०७७ | Mon, September 28, 2020
नेपालको समय: १४:२३ | UK Time: 09:38

चाल्टर्नको नेपाली भाषा कक्षा दोस्रो वर्षमा

वीनेपाली
२०७२ जेठ २५ गते १९:४९

 

cake

लन्डन । साउथ इस्ट लन्डनको चाल्टर्नमा चाल्टर्न नेपाली समाजले संचालन गरिरहेको नेपाली भाषा कक्षा ‘लर्न नेपाली प्रोग्राम’ दोश्रो वर्षमा प्रवेश गरेको छ ।

सो अवसरमा दोस्रो वर्षगाँठ एक कार्यक्रम गरी मनाइयो । भाषा कक्षा संचालन भइरहेको स्थानीय फुटवल स्टेडियमको हब सेन्टरमा आयोजित कार्यक्रममा भाषा कक्षाका नानीहरु, स्वयम्सेवक शिक्षकशिक्षिका एवम् अभिभावकको बाक्लो उपस्थिति थियो ।

नेपालमा हालैको महाभुकम्पमा परी ज्यान गुमाउनेहरुको सम्झनामा मौन धारण गरेपश्चात शुरु गरिएको कार्यक्रममा बिद्यार्थीहरुले आकर्षक नाचगान प्रस्तुत गरेर मनोरंजन गराएका थिए । त्यसैगरी कार्यक्रममा नेपालीमा लेखेका कुराहरु आफ्ना नानीहरुले नेपालीमा वाचन गर्दा अविभावकहरु मक्ख देखिन्थे ।

शिक्षिका मंजु खरेलले संचालन गरेको कार्यक्रममा विद्यार्थीहरुले नेपाली भाषा सिकाईमा गरेको प्रगति प्रस्तुत गरिएको थियो । लर्न नेपाली प्रोग्रामका संयोजक सुरज केसी, पूर्व संयोजक फत्त थापा तथा चार्ल्टन नेपाली समाजका अध्यक्ष रोमनाथ पाण्डेले मन्तब्य दिँदै नयाँ पुस्तामा नेपाली भाषाको ज्ञानको अपरिहार्यतामाथि जोड दिए र यसको निरन्तरताको खाँचो औँल्याए ।
धर्म संस्कृति र परम्परा जस्ता कुरा भाषासंगै जोडिएको भन्दै सहभागीहरुले यसको महत्वमाथि आपसी छलफल गरेका थिए । कार्यक्रममा स्वयंसेवी एवम् शिक्षिका रेनु पाण्डे तथा सिता अर्यालले अध्यापनका अनुभवहरु सुनाएका थिए । कार्यक्रममा उपस्थित सबैले स्वयम्सेवी शिक्षकहरुको मुक्तकण्ठले प्रशंसा गरेका थिए ।

नेपाली वर्णहरुले सजाइएको आकर्षक केक काटेपछि केहीबेर विद्यार्थीहरुलाई सहभागी गराउँदै नेपालमा दैवी प्रकोपपछि शान्तिको कामना गर्दै भजन किर्तन समेत गरिएको थियो । नेपालको महाविपदपछि खासै हर्ष उल्लाशको अवस्था नभएकोले पनि कार्यक्रम ठूलो रुपमा नगरिएको समाजका सचिव टीएन रिजालले बताए ।

दुई वर्षअघि चाल्टर्न नेपाली समाजले शुरु गरेको लर्न नेपाली प्रोग्राम उदाहरणीय बनेपछि बेलायतका अन्य ठाउँमा पनि यसको अनुशरण गरिएको छ।

प्रतिक्रिया

सम्बन्धित सामाग्री

फेसबुक