एस् वी डिड

लन्डन । फार्नबोरोस्थित गोर्खा प्यालेस रेष्टुरेन्टले भूकम्प पीडितका लागि १० हजार पाउण्ड संकलन गरेको छ । रेष्टुरेन्टले च्यारिटी लन्च एवं डोनेसन बक्स राखेर उक्त रकम संकलन गरेको हो । संकलित रकम लन्डन दूतावासको अर्थक्वेक रिलिफ फण्डमार्फत प्रधानमन्त्री राहत कोषमा पठाउने योजना छ ।

रेष्टुरेन्ट सञ्चालक समाजसेवी सूर्य गुरुङले विपत्तिका बेला ब्रिटिश जनताले स्वतस्फूर्त गरेको सहयोगप्रति आभार व्यक्त गरेका छन् । उनले बेलायतवासी समस्त नेपालीमा आ आफ्नो क्षमताले भ्याएसम्म सहयोग गर्न र विपत्तिका बेला एकजुट भएर लाग्न पनि अपिल गरेका छन् ।