सोमबार, असोज ५ २०७७ | Mon, September 21, 2020
नेपालको समय: ०१:४७ | UK Time: 21:02

विल्सायर नेपाली समुदायको सहयोग ३२ लाख

वीनेपाली
२०७२ जेठ २५ गते ७:१५

11406162_10154012219098146_649978290623106412_o

लन्डन । नेपलिज एसोसिएसन अफ विल्सायर (स्वीन्डन) ले नेपालको भूकम्प पीडितका लागि २० हजार पाउण्ड (करिब ३२ लाख रुपैयां) प्रदान गरेको छ ।

एसोसिएसन अध्यक्ष राजनकुमार क्षेत्रीले आइतबार संस्थाको बैठकका अवसरमा एनआरएनए आइसीसी ग्लोबल च्यारिटी फण्डका संयोजक कुल आचार्यलाई २० हजार पाउण्डको चेक हस्तान्तरण गरेका हुन् । चेक हस्तान्तरणका क्रममा एनआरएनए यूके अध्यक्ष महेन्द्र कंडेल, एनआरएनए आइसीसी सल्लाहकारहरु डमर घले र विश्व आदर्श पण्डित लगायत संस्थाका पदाधिकारी सहभागी थिए ।

एसोसिएसनले भूकम्प पीडित पत्रकारका लागि नेपाल पत्रकार महासंघ, बेलायत शाखामार्फत ५ सय पाउण्ड बेग्लै प्रदान गरेको छ । शाखा अध्यक्ष चिरन शर्माले उक्त रकमको चेक लिएका हुन् ।

एसोसिएसनका उपाध्यक्ष श्यामकुमार पुनको संयोजकत्वमा संस्थाले चन्दा संकलन कार्य अगाडि बढाएको थियो । अध्यक्ष क्षेत्रीले हालसम्म २३ हजार ६ पाउण्ड उठेको जनाउंदै संकलन कार्य जारी रहेको बताए । बांकी संकलित रकम दोश्रो चरणमा फेरि प्रदान गरिनेछ । भूकम्प पीडितका लागि एसोसिएसन सदस्यहरु, बेलायती शुभचिन्तक, बंगाली तथा अन्य विभिन्न संघसंस्थाले सहयोग प्रदान गरेका थिए । दाताप्रति संस्था आभारी छ ।

एसोसिएसनले एनआरएनए आइसीसीले भूकम्प पीडितका लागि एक हजार घर बनाइदिने प्रतिवद्धता गरेकामा स्वागत गर्दै आफूले प्रदान गरेको रकमले निर्माण हुने घरमा आफ्नो संस्थाको नाम राखिदिन प्रस्ताव गरेको छ । अध्यक्ष क्षेत्रीले एनआरएनए आइसीसी अध्यक्ष शेष घलेलाई उक्त प्रस्ताव राखेपछि घलेले सकारात्मक प्रतिक्रिया दिएका छन् ।

यसैबीच, बैठकले आगामी ८ अगष्टमा स्वीन्डन कप गर्ने निर्णय गरेको छ । स्वीन्डनस्थित न्यू कलेज ग्राउण्डमा उक्त फुटबल प्रतियोगिता गर्ने तय भएको हो ।

प्रतिक्रिया

सम्बन्धित सामाग्री

फेसबुक