सोमबार, असोज १२ २०७७ | Mon, September 28, 2020
नेपालको समय: २१:१७ | UK Time: 16:32

तमु समाज यूकेले उठायो भूकम्प पीडितका लागि ३३ हजार पाउण्ड

वीनेपाली
२०७२ जेठ १९ गते १४:०७

11157503_981560958554718_6209913345346581248_o

लन्डन । तमु समाज यूकेले नेपालका भूकम्प पीडितका लागि आर्थिक संकलन तीव्र पारेको छ । समाजले हालसम्म ३३ हजार पाउण्ड संकलन गरिसकेको जनाएको छ । घोषणा गरिएकोमध्ये २४ हजार पाउण्ड आफ्नो खातामा जम्मा भइसकेको र 
बांकी रकम छिट्टै उठ्ने समाजका संस्थापक अध्यक्ष चित्रबहादुर गुरुङले जनाएका 
छन् ।

अगष्टसम्म संकलन कार्य जारी रहने भएकाले कम्तीमा ५० हजार पाउण्ड उठाउने लक्ष्य समाजको छ । ‘तमु समाज यूके च्यारिटी कमिशनमा दर्ता भएकाले पनि कोष अभिवृद्धिमा सहज र विश्वास जित्न सकेका छौं’, संस्थापक अध्यक्ष
गुरुङले जनाए ।

समाजले संकलित रकममध्ये चरणवद्ध रुपमा भूकम्प पीडितहरुलाई प्रदान गर्ने निर्णय गरेको छ । विशेष गरि पर्याप्त राहत नपुगेका गोर्खा, लमजुङ र कास्कीका एक एक वटा दुर्गम गाउंमा राहत बांड्ने योजना समाजको रहेको संस्थापक अध्यक्ष गुरुङले जनाए । पहिलो चरणको राहतका लागि समाजका उपाध्यक्ष शिवचन्द्र गुरुङ भोली बुधवार नेपाल जाने भएका छन् । उनले शुरुमा १५ लाख रुपैंया खर्चने जनाइएको छ ।

समाजले आफ्ना सदस्य, सल्लाहकार र शुभचिन्तकहरुबाट चन्दा उठाएको हो । सदस्यहरुले आ आफ्नो काम गर्ने ठाउंबाट समेत संकलन गरेका थिए ।
संस्थाले मध्य लन्डनका सडक सडकमा गएर तीन दिन ‘फन्डरेज’ गरेको थियो जसको संयोजन मिरा गुरुङले गरेकी थिइन् ।

धेरै उठाउने मध्ये समाजका सल्लाहकार बाबुराम गुरुङले ५ हजार पाउण्ड, सल्लाहकार लेप्टिनेन्ट थमप्रसाद गुरुङले ३५००, पदमकुमारी गुरुङले १३ सय पाउण्ड, श्रीमति पुष्प गुरुङले ६०० पाउण्ड र युथ चियरमेन ओमकार गुरुङको टोलीले १८०० पाउण्ड संकलन गरेको थियो ।

11251281_987976084579872_27897926413797884_n

प्रतिक्रिया

सम्बन्धित सामाग्री

फेसबुक