सोमबार, असोज १२ २०७७ | Mon, September 28, 2020
नेपालको समय: ०२:०७ | UK Time: 21:22

समाजसेवामा नेपलिज वुमन एसोसिएसनको सक्रियता

वीनेपाली
२०७२ जेठ १७ गते ९:४८

11117981_10205813152220428_833596836_n

लन्डन । गठन भएको वर्ष दिन पनि नबित्दै नेपलिज वुमन एसोसिएसन यूकेको समाजसेवा तीव्र छ । महिला सशक्तिकरणमा बल पुग्ने विभिन्न कार्यक्रम गरिसकेको उक्त संस्थाले भूकम्प पीडितदेखि जेलमा रहेका वालवालिकाको समेत सहयोग गरेको छ ।

एसोसिएसनले हालैमात्र प्रिजनर्स एसोसिएसन नेपाललाई अढाई लाख रुपैयां पठाएको एसोसिएसनकी कोषाध्यक्ष सितु खरेलले जनाइन् । केही महिनाअघि च्यारिटी गरि संकलित रकम प्रिजनर्स असिस्टेन्स् नेपालकी संरक्षक इन्दिरा रानालाई पठाइएको हो । उक्त च्यारिटीमा गायक योगेश्वर अमात्यले एक लाख रुपैयां, चेल्सी एण्ड केन्जिंटन बरो काउन्सिल मेयरले ५ सय पाउण्ड लगायत अन्य दाताबाट रकम संकलन भएको थियो ।

यसबाहेक लन्डन दूतावासमार्फत प्रधानमन्त्री राहत तथा उद्दार कोषमा एकहजार पाउण्ड दिइसकेको उक्त एसोसिएसनले भूकम्प पीडितको सहयोगार्थ आगामी २२ जुलाईमा दूतावासमै फेरि एक च्यारिटी गर्ने भएको छ । कोषाध्यक्ष खरेलले उक्त च्यारिटीमा सहभागी भएर भूकम्प पीडितलाई सहयोग गरिदिन आग्रह गरेकी छिन् ।

एसोसिएसनकी अध्यक्ष आरती श्रेष्ठले अप्ठेरो परिस्थितिमा सहयोग गर्नु आफूहरुको दायित्व भएको बताइन् ।

11349010_10205813149140351_1855118382_n

प्रतिक्रिया

सम्बन्धित सामाग्री

फेसबुक