सोमबार, असोज १२ २०७७ | Mon, September 28, 2020
नेपालको समय: १३:३२ | UK Time: 08:47

बेलायतका नेपाली इन्जिनियरले पनि उठाए साढे १४ लाख रुपैयां

वीनेपाली
२०७२ जेठ १६ गते २२:२८

 

11335470_10205014169008642_2029261094_n

लन्डन । सोसाइटी अफ नेपलिज इन्जिनियर्स यूकेले नेपालमा भूकम्प पीडितलाई दिन ९ हजार १९२ पाउण्ड ३८ पेन्स् (करिब साढे १४ लाख रुपैयां) संकलन गरेको छ । उक्त संगठनले https://mydonate.bt.com/fundraisers/soneuk मार्फत रकम संकलन गरेको हो ।

संगठनका महासचिव राजेश पाठकले दाताहरुप्रति आभार व्यक्त गर्दै संकलित रकम लन्डन दूतावासमार्फत प्रधानमन्त्री राहत कोषमा पठाइने जनाए । महासचिव पाठकले १५ जुनसम्म थप रकम संकलन गरेर दूतावासमा प्रदान गरिने जनाउंदै इच्छुक दाताहरुलाई त्यो समयावधिसम्म सहयोग गरिदिन समेत आग्रह गरेका छन् ।

यसअघि उक्त संगठनले काठमाण्डौंको क्षति मुल्यांकनका लागि खटिएका इन्जिनियरहरुको सहयोगार्थ ७ सय पाउण्ड र लन्डन दूतावासमार्फत थप ७ सय पाउण्ड नेपाल पठाइसकेको छ ।

संगठनले नेपालको पुनर्निर्माणका लागि गर्न सकिने सम्भावनाबारे छलफल गर्न एउटा सेमिनार समेत आयोजना गर्ने भएको छ । संगठनले सेमिनार बेग्लै गर्ने वा समर भेटघाटकै अवसरमा छलफल गरि उक्त भेटघाटलाई च्यारिटीमा परिणत गर्ने भन्नेबारे सबैसंग राय समेत मागेको छ ।

साथै संगठनले गैर आवासीय नेपाली संघका अध्यक्ष शेष घलेको नेतृत्वमा गैर आवासीय नेपालीबाट भूकम्प पीडितहरुका लागि भएको राहत तथा उद्दार प्रयास र संघले एकहजार घर बनाइदिन गरेको प्रतिवद्धताको 
प्रशंसा समेत गरेको छ ।

प्रतिक्रिया

सम्बन्धित सामाग्री

फेसबुक