शनिबार, असोज ३ २०७७ | Sat, September 19, 2020
नेपालको समय: १४:४० | UK Time: 09:55

प्लमस्टिड लण्डनका युवाहरुले गरे भूकम्प पीडितका लागि च्यारिटी

वीनेपाली
२०७२ जेठ १३ गते २१:२८

Plumstead 2

लण्डन । नेपालमा गत महिना गएको महाभूकम्प पीडितहरुको सहयोगका लागि लण्डनस्थित प्लमस्टिडका युवाहरुले च्यारिटी आयोजना गरेका छन् ।

साईजल गुरुङको संयोजकत्वमा यहाँका युवाहरु मिलेर लण्डनको उलीचस्थित लोटाज क्लबको हलभित्र विभिन्न मनोरञ्जनात्मक गीतहरु प्रस्तुत गरेर च्यारिटी सम्पन्न गरिएको थियो ।

कार्यक्रममा करिब ३०० जना युवायुवती सहभागी थिए ।

कार्यक्रममा लाईभ ब्याण्डमा दाजुभाई ग्रुप, आरके स्क्वाएर, अभियान, प्रतिक राना तथा प्रतिभा तामाङ आदिले संगीत र गीतहरु प्रस्तुत गरेर सहभागीहरुलाई मनोरञ्जन दिलाएका थिए । त्यस्तै लाईभ ब्याण्डमा गीतहरुको प्रस्तुतिको साथसाथै नृत्यहरु प्रस्तुत गरिएको थियो ।

सिन्स टिम, नभोउ गलेइ घले, एलिजा श्रेष्ठ, खोडे व्याईज तथा प्रमिला मगरको कार्यक्रममा विशेष नृत्य रहेको थियो ।

च्यारिटीका लागि मनोरञ्जनात्मक कार्यक्रम शुरु गर्नुअघि महाभूकम्पमा दिवंगत भएकाहरुप्रति श्रद्धान्जलीस्वरुप एक मिनेट मौन धारणा तथा राष्ट्रिय गान र द्वीप प्रज्वलन गरिएको थियो ।

कार्यक्रमलाई दक्षिणपूर्व क्षेत्रीय तमुधिं लण्डनले विशेष सहयोग गर्नुका साथै युवाहरुको मनोबल बढाउनका लागि अध्यक्ष श्रीचन्द्र गुरुङ तथा समाजका सह–कोषाध्यक्ष ह्यारी गुरुङको विशेष भूमिका थियो ।

कार्यक्रमबाट नेपालका भूकम्प पीडितहरुका लागि करिब पच्चीस सय पाउण्ड राहत रकम संकलन गरिएको कार्यक्रम संयोजक साईजल गुरुङले बताए ।

Plumstead 1

प्रतिक्रिया

सम्बन्धित सामाग्री

फेसबुक