डार्टफोर्ड नेपलिज कम्युनिटीले उठायो ८ लाख रुपैयां

लन्डन । डार्टफोर्ड नेपलिज कम्युनिटी यूके भूकम्प पीडितका लागि आर्थिक सहयोग जुटाउन क्रियाशिल भएको छ । उसले हालसम्म ५१०० पाउण्ड (करिब ८ लाख रुपैयां) संकलन गरिसकेको जनाएको छ ।

गत सप्ताहन्तमा संस्थाले एक च्यारिटी डिनर कार्यक्रम गरि भूकम्प पीडितका लागि एकहजार तीनसय १८ पाउण्ड संकलन गरेको छ । डाटफोर्ड बरो काउन्सिल मेयर अवतार सन्धु, काउन्सिलर बच्चु कैलाश कैनीसहित करिब एकसय जना सहभागी उक्त च्यारिटीमा राफल चिट्ठा, लिलाम बढाबढ, प्रवेश शुल्क र बकेट घुमाएर चन्दा उठाइएको हो ।

च्यारिटी बाहेक कम्युनिटीका सदस्य र शुभचिन्तकहरुबाट १८०० पाउण्ड, डाटफोर्ड बरो काउन्सिलबाट एकहजार पाउण्ड एवं गुरुद्धारा डाटफोर्डबाट ९८० पाउण्ड गरि ५१०० पाउण्ड संकलन भएको कम्युनिटी आवद्ध राजेश पाठकले जनाएका छन् । कम्युनिटीको चन्दा संकलन कार्य जारी छ ।
डार्टफोर्ड सोसियल क्लवमा आयोजित च्यारिटी डिनरमा बाबुराम गुरुङ, सुनिता गौतम, दिपक थापा, भावना जिमी, पारिजात पाठक, दिप्ता थापा, उमाकान्त गुरुङ, दिपा कोइराला, सृजना सिटौला, गिता गुरुङ, सरिता घले र लिन्से फ्राइको समूहले सांस्कृतिक कार्यक्रम गरेको थियो । उक्त अवसरमा तेजेन्द्र 
फेराली र जेनिस कटुवालले नेपालको दयनीय अवस्था झल्कने चित्र प्रस्तुत गरेका थिए ।

च्यारिटी डिनर सफल बनाउन काउन्सिलर बच्चु कैलाश कैनीले विभिन्न काउन्सिलरएवं अतिथीहरुलाई निम्त्याएका थिए भने एलान डेभिस्ले लिलाम बढाबढका लागि फ्रेम र चर्चबाट सहभागी ल्याउन सहयोग गरेका थिए । त्यस्तै, डार्टफोर्ड रग्बी क्लवका जोन डेभिस्, नर्थ वेष्ट केन्ट कलेजका साम, काउन्सिलर टोम म्याडिसन, डार्टफोर्ड सोसियल क्लव, चन्दिका भट्ट, बाबुराम गुरुङ, रमेश गुरुङ र राजेश पाठकले राफल चिट्ठाका लागि पुरस्कार प्रायोजन गरिदिएका 
थिए ।