एजुकेशन नेपाल यूकेको सहयोग

 

लन्डन । बेलायतमा दर्ता भएको सामाजिक संस्था एजुकेशन नेपाल यूकेले भूकम्प पीडितहरुलाई आर्थिक सहयोग गरेको छ । संस्थाका प्रवन्ध निर्देशक शैलेश ओझाका अनुसार, संस्थाले हालसम्म करिब एकहजार ५० पाउण्ड र २० वटा टेन्ट गोर्खा पठाएको हो ।
डोंकाष्टर, साउथ योर्कसायरको स्थानीय एफएम, रेडियो मार्फत ओझाले सहयोग अपिल गरेपछि स्थानीय नागरिकले सहयोग प्रदान गरेका हुन् । ‘सहयोग भन्ने कुरा ठूलो सानो हुन्न, आफ्नो क्षेत्रबाट जसले जति गर्न सक्छ त्यो गर्नु नै नैतिक कर्तव्य हो, ओझाले भने ।

चन्दा संकलन कार्य जारी रहेको ओझाले बतााए । स्थानीय काउन्सिलरले पनि सहयोगको वचन दिएका छन् ।
उता, ओझाका दुई छोरा इशान र ह्यारिस ओझाले डोंकाष्टर, साउथ योर्कसायरस्थित बेसिकार प्राइमरी स्कुलमा गत शुक्रबार चन्दा संकलन कार्य गरि दुई सय पाउण्ड संकलन गरेका छन् ।