लन्डन । नेपालको भूकम्प पीडितका लागि बेलायतवासी नेपालीको सहयोग जारी छ । विभिन्न संघसंस्था, व्यक्ति र विदेशीले समेत विपत्तिमा सहयोगका हात बढाइरहेका छन् । यस्तै एउटा उदाहरण हुन् सचिन पुन र असिम चालिसे । पेशाले उनीहरु जिइ एभिएसन वेल्स्मा कार्यरत इन्जिनियर । उनीहरुले जब नेपालमा महाभूकम्प गएको थाहा पाए, त्यसपछि पीडितहरुको राहतका लागि केही गर्ने अठोट गरे । आफ्नो कार्यालयका सहकर्मीहरुलाई यथार्थता बेलिविस्तार लगाए । एभिएसनका कर्मचारी पनि बडो उदार दिलका । आ आफ्नो तर्फबाट अत्यावश्यक सामाग्री ब्ल्यांककेट, लत्ता कपडा, अक्सिजन टुल्स्, स्टेचर, पानी शुद्ध गर्ने ट्याबलेट र अरु धेरै चिज प्रदान गर्न थाले । स्थानीय स्कुलबाट पनि यी तन्नेरीलाई सहयोग प्राप्त भयो । उनीहरु 
रातदिन र पढाइ नभनि राहत सामाग्री जुटाउन लागे । संकलित सामाग्री व्यवस्थापन पनि कम सहज थिएन । एभिएसन कम्पनीले नै भ्यान प्रायोजन गरिदिएपछि ति युवाले संकलित सामाग्रीमध्ये ब्ल्यांककेट र लत्ता कपडा गिलफोर्ड, गोडल्मिंग र क्रेन्लीस्थित रेडक्रस र अक्सफाममा दिएको स्वयंसेवी श्रद्धा गुरुङले जनाइन् । उनीहरुले बांकी संकलित सामाग्रीहरु टेन्ट, स्ल्पिींग ब्याग, औषधि, अक्सिजन, फष्ट एड आदि अल्डरसटस्थित बुद्धिष्ट कम्युनिटी सेन्टरमा लगेर दिएका छन् ।