मंगलबार, असोज ६ २०७७ | Tue, September 22, 2020
नेपालको समय: १६:४१ | UK Time: 11:56

बलिउड नायक सलमान खानलाई पांच वर्षको जेल सजायं

वीनेपाली
२०७२ वैशाख २३ गते ९:४५

salman-khan

लन्डन । भारतको एउटा अदालतले १३ वर्षअघि एक घरवारविहीन मानिसलाई गाडीले ठक्कर दिइ मारेको अभियोगमा दोषी ठहर गर्दै बलिउड नायक सलमान खानलाई ५ वर्ष जेल सजाय सुनाएको छ ।

अभिनेता खानले आफूले नभइ गाडी चालकले चलाएको बताउंदै आएपनि न्यायधिश डि डब्लु देशपाण्डेले बुधवार मादक पदार्थ सेवन गरि सलमानले नै गाडी चलाएको फैसला सुनाएका हुन् । फैसला सुने लगत्तै सलमान विक्षिप्त देखिन्थे, उनका आंखा रसाएका थिए ।

सलमानको टोयोटा ल्याण्ड क्रुजरले २८ सेप्टेम्बर, २००२ का दिन मुम्बइको बान्ड्रास्थित अमेरिकन एक्सप्रेस् बेकरी नजिक सडकमा सुतिरहेका ५ जनालाई ठक्कर दिएको थियो । सो अवसरमा ३८ वर्षीय उल्लाह खानको मृत्यु भएको थियो भने बांकी घाइते भएका थिए ।

दबंग, एक था टाइगर, मैने प्यार किया, हम अप के हे सनम लगायत कयौं सफल फिल्ममा अभिनय गरेका यी बलिउड स्टारलाई फैसलाले फिल्मी करिअरमा ठूलो आघात पुग्ने बीबीसी संवाददाताले जनाएका छन् ।

हालैमात्र उनको बिइङ ह्युमन नामक फाउण्डेशनले ‘नेपालका भूकम्प पीडितलाई सहयोग गर्दैन’ भन्ने आशयको समाचारलाई लिएर नेपालमा व्यापक आलोचना भएको थियो । कतिपयले उनको फिल्म नेपालमा बहिष्कार गर्न समेत माग गरेका थिए । तर, पछि सलमानले फाउण्डेशनको क्षेत्राधिकारबारे प्रष्टिकरण दिंदै पीडितलाई कुनै न कुनै तवरबाट सहयोग गर्ने प्रतिवद्धता व्यक्त गरेका थिए ।

प्रतिक्रिया

सम्बन्धित सामाग्री

फेसबुक