लमजुंगे युवा राहतमा जुटे

काठमाण्डौं । लमजुङ सुन्दरबजारका युवाहरु भूकम्प पीडितहरुको उद्दार तथा राहत वितरणका लागि प्रभावित क्षेत्रमा खटिएका छन् । उनीहरु भूकम्पले अति प्रभावित गोरखा र लमजुङ जिल्लाका विभिन्न ठाउंमा राहत सामाग्रीसहित निस्किएका हुन् ।
उद्दारमा टोलीको नेतृत्व गरिरहेका युवा व्यवसायी किरण गुरुङका अनुसार, ति युवाको समूह आज पोखराबाट गोरखा र लमजुङ हिंड्यो । समूहमा किरण गुरुङ, सूर्य गुरुङ, सोम गुरुङ, सुमन पहारी, अनिल शाही, अर्जुन र मुन्ना गुरुङ छन् । उक्त समूहले यसअघि लमजुङको परेवाडांडामा प्रभावित एकसय परिवारका लागि लत्ता कपडा, पानी, खाना, टेन्ट वितरण गरेको थियो । ति युवाहरुले व्यक्तिगत एक लाख रुपैयां हालेर राहत सामाग्री खरिद गरेका हुन् ।