भूकम्प प्रभावित बालबालिकालाई सहयोग गर्न आमिर खानको अपिल

काठमाडौं। बलिउड अभिनेता आमिर खानले भूकम्प प्रभावित नेपाली बालबालिकालाई सहयोग गर्न अपिल गरेका छन्। राष्ट्र संघीय बालकोष (युनिसेफ) का दक्षिण एशियाका सद्भावना दूत खानले आफ्नो ट्विटरमार्फत यस्तो आह्वान गरेका हुन्। आफ्नो हालै भएको नेपाल भ्रमण स्मरण गर्दै अभिनेता खानले भूकम्पबाट मर्नेको संख्या बढ्दा त्यसले मन दुखाएको बताएका छन्।aamir_Khan

उनले युनिफेसमार्फत सहयोगका लागि अपिल गरेका हुन्। करिब ६ महिना अघि काठमाडौंमा भएको कार्यक्रममा खानलाई सद्भावना दूत घोषित गरिएको थियो। उनले बालबालिकामाथि पोषणका लागि जोड दिँदै आएका छन्। भूकम्प भएको एक सातापछि युनिसेफले विज्ञप्ति जारी गर्दै केही सातापछि नै शुरु हुने मनसुनले भूकम्प प्रभावित बालबालिकामाथि गम्भीर असर पार्ने चेतवानी दिएको छ। भूकम्पबाट प्रभावित लाखौं बालबालिका घरवारविहीन भएको र आधारभूत स्वास्थ्य सेवा पाउन नसकेको युनिसेफले जनाएको छ।aamir_Khan

प्रतिक्रिया

सम्बन्धित सामाग्री