भूकम्पमा परि कम्तीमा ४० विदेशीको मृत्यु

काठमाडौं। नेपालमा शनिबार गएको शक्तिशाली भूकम्पमा कम्तिमा ४० जना विदेशी नागरिकको निधन भएको छ। वि नेपालीले तयार पारेको हताहतीको सूचीमा शुक्रबार मध्यान्हसम्ममा ३४ विदेशी निधन भएको देखिएको हो। मृत्यु हुनेमा भारतका १३, चीन, अमेरिका, इटलीका ४-४, फ्रान्सका ३, बेल्जिमय, जर्मनी, नेदरल्यान्डका २-२, अस्ट्रेलिया, इस्टोनिया, हङकङ, जापान, न्युजिल्यान्ड, बेलायतका १-१ जना नागरिक छन्। 

अहिले पर्यटकीय उच्च सिजन छ। यो सिजनमा हिमाल आरोहण र पदयात्राका लागि हजारौं विदेश पर्यटक नेपाल आउने गरेका छन्।

भारतमा भूकम्पको कारण ७८ जनाको मृत्यु भएपनि नेपालभित्र १३ जना भारतीयको मृत्यु भएको भारतीय सञ्चार माध्यमहरुले जनाएका छन्। जसमा भारतीय राज्य आसामका ६ जना छन्।

त्यसैगरी केरालाका २ जना चिकित्सक, कस्मिरका पर्वतारोही, तेलगु अभिनेता के विजय र भारतीय दूतावासमा कार्यरत कर्मचारीको छोरी छन्। मारिने चिनिया नागरिक मध्ये २ जना कम्पनीमा कार्यरत रहेका छन्।

मारिने अमेरिकी नागरिकमा सर्च इन्जिन गुगलका कार्यकारी डान फ्रेडिनन्बर्ग समेत छन् । उनको सगरमाथा आधार शिविरमा हिउँको डिस्को खसेर निधन भएको हो।

भूकम्पमा परि मृत्यु हुनेको संख्या शुक्रबार बिहान १० बजेसम्म ६ हजार २ सय ५७ जना पुगेको छ।