नेपालको भुकम्पबाट सुरक्षित रहेको जानकारी दिने फेसबुकको विशेष सेवा

लण्डन । नेपालमा आज अाएको भुकम्पबाट आफू सकुशल रहेको जानकारी दिन फेसबुकले नयाँ सेवा शुरु गरेको छ ।

फेसबुकका संस्थापक मार्क जुकवर्गका अनुसार भुकम्पबाट प्रभावित मानिसहरुका लागि लक्षीत गरी फेसबुकले आजै सो सेवा शुरु गरेको हो । ‘परिवार र साथीभाइलाई आफू सकुशल रहेको जानकारी दिने यो सजिलो उपाय हाे’ उनले भने ।

फेसबुकको सेवामा भुकम्प प्रभावित क्षेत्रका प्रयोगकर्ताले भुकम्पबाट सुरक्षित रहेको नरहेको बारेमा नोटिफिकेसन पाउने छन् र आफू सुरक्षित रहेको जानकारी दिन सेफ लेखेको बटनमा थिच्नुपर्नेछ । सो सेवाबाट आफ्ना साथीभाइ पनि सुरक्षित रहे नरहेको सोध्न सकिने छ ।

जुकरवर्गले भनेका छन् -‘जब विपत्ति आइपर्छ सबैजना आफ्ना आफन्त र साथीभाइ सुरक्षित रहेको बारेमा जान्न चाहन्छन्  । आफन्तहरुसित जोड्ने यस्ता सेवाहरुले ठूलो महत्व राख्छन् ।’

यो सेवा प्रयोग गर्नका लागि www.facebook.com/safetychecks/nepalearthquake मा जानु पर्नेछ ।