पत्रकार उप्रेती अब गीतकारका रुपमा

लन्डन । नेपालमा दशक बढि समय पत्रकारिता गरेर बेलायत आएका पत्रकार नृपेश उप्रेती अब गीतकारका रुपमा उदाएका छन् । उनको पहिलो एल्बम ‘खुशी’ का ८ गीतमध्ये दुईवटा गीत र एउटा भिडियो गत सप्ताहन्तमा लन्डनमा सार्वजनिक भएको छ ।

अर्जुन पोखरेलको एकल संगीत रहेको उक्त एल्बमका दुई गीत अन्जु पन्तले गाएको कांडा पन्छाइ बाटोभरि… र राज सिग्देलको स्वरमा नगर्नु माफ… गीत सार्वजनिक गरिएको हो । यस अलवा नायिका केकी अधिकारी, विवेकनरसिंह राणा र सृजल रुपाखेतीको प्रमुख अभिनयमा निर्मित एउटा भिडियो पनि सार्वजनिक गरियो ।

नेपाल पत्रकार महासंघ, बेलायत शाखाको वार्षिक साधारणसभाका अवसरमा कार्यवहाक नेपाली राजदूत तेजबहादुर क्षेत्री, शाखा अध्यक्ष चिरन शर्मा, बीबीसी आवद्ध वरिष्ठ पत्रकार भगिरथ योगी र एनआरएनए यूके अध्यक्ष महेन्द्र कंडेलले 
संयुक्त रुपमा गीत र भिडियो सार्वजनिक गरेका थिए । रोमान्टिक र यथार्थ सन्देश बोकेका उप्रेतीको गीतमा गायकहरु शिव परियार, प्रमोद खरेल लगायतको स्वर छ ।

उप्रेतीले भविष्यमा गीतको सिआरबीटी, पिआरबीटी आदिबाट आउने रकम नेपालको च्यारिटीमै लगाउने उद्घोष गरेका छन् ।

गीतकार उप्रेतीले एल्बम छिट्टै बजारमा आउने जनाएका छन् । १४ वर्षअघि बेलायत आएका उप्रेतीले नेपाल छंदा हिमाल, देशान्तर, च्यानल नेपाल लगायत सञ्चारमाध्यममा काम गरेका थिए । हाल पिटरवरो निवासी उनीसंग स्थानीय रेडियोमा समेत केही समय आवद्ध भएर काम गरेको अनुभव छ ।

भिडियो यस्तो छः