शनिबार, मंसिर १३ २०७७ | Sat, November 28, 2020
नेपालको समय: ०८:२७ | UK Time: 02:42

बागलुङ १ उपनिर्वाचनमा ७३ प्रतिशत मतदान

वीनेपाली
२०७१ चैत २८ गते २०:२६

काठमाडौं। तत्कालीन सभासद हरिबहादुर खड्काको सडक दुर्घटनामा परी निधन भएपछि शनिबार भएको बागलुङ क्षेत्र नम्बर १ को संविधानसभा उपनिर्वाचनमा ७३ प्रतिशत मत खसेको छ ।

जिल्ला निर्वाचन कार्यालयअनुसार, ५२ हजार २ सयमध्ये करिब ३८ हजार मत हालेका छन् । निर्वाचनमा विद्युतीय मेसिन प्रयोग गरिएको थियो । मतदान बिहान ७ बाट साँझ ५ बजेसम्म भएको थियो । निर्वाचनमा करिब ७ सय ७० कर्मचारी खटिएका थिए ।Baglung

निर्वाचन क्षेत्रअन्तर्गत १९ गाविस र एक नगरपालिकामा रहेका ७० मतदान केन्द्रमा कुनै अप्रिय घटना भएन। जिल्ला निर्वाचन कार्यालयले विद्युतीय मेसिन शनिबार रातिसम्म सदरमुकाम ल्याइने र मतगणना आइतबार बिहान सुरु गर्ने गरी तयारी भएको जनाएको छ। करिब चार घन्टामा मतको अन्तिम परिणाम सार्वजनिक हुने निर्वाचन आयोगले जनाएको छ ।

निर्वाचनको पर्यवेक्षण राष्ट्रिय मानवअधिकार आयोग, युएसआइडी, युएनडिपी, नियोकलगायत संस्थाले गरेका थिए । निर्वाचन आयोगले पनि खटिएका कर्मचारीको कामकारबाही र निर्वाचन निष्पक्ष, धाँधलीरहित र विश्वसनीय बनाउन छुट्टै अनुगमन संयन्त्र निर्माण गरी खटाएका थिए।

मुख्य प्रतिस्पर्धी नेपाली कांग्रेसकी चम्पादेवी खड्का, नेकपा एमालेकी मना केसी र एनेकपा माओवादीका कृष्ण केसीले एउटै केन्द्रमा मतदान गरेका थिए । निर्वाचनमा ९ दल र दुई स्वतन्त्र गरी ११ जना उम्मेदवार प्रतिस्पर्धामा छन् ।

प्रतिक्रिया

सम्बन्धित सामाग्री

फेसबुक