शुक्रबार, मंसिर १२ २०७७ | Fri, November 27, 2020
नेपालको समय: १३:४८ | UK Time: 08:03

नेपालबाट चोरेर बेलायत पुर्‍याइएका मूर्तिहरु फर्काउने प्रकृया शुरु

वीनेपाली
२०७१ चैत २५ गते २१:२१

काठमाडौं। नेपाल सरकारले विभिन्न समयमा चोरिएका झन्डै ९ सय वर्ष पुरानासहित १४ वटा पुरातात्विक महत्वका मूर्तिहरु बेलायतबाट फिर्ता ल्याउने प्रकृया शुरु गरिएको छ । लन्डनस्थित क्रिस्टिज लिलामघरले ती मूर्तिहरु फिर्ता गर्न तयार रहेको भन्दै दावी पेश गर्न आग्रह गरेपछि उनीहरुलाई फिर्ता ल्याउन पहल थालिएको पुरातत्व विभागका महानिर्देशकले बीबीसी नेपाली सेवालाई बताएका छन्। Usa_Maheshwor

बेलायतमा फेला परेका मूर्तिहरुमध्ये करिब ३५ बर्ष अघि पाटनबाट हराएको १२ औँ शताब्दीको उमा महेश्वरको मूर्तिसहित ३ वटाको मात्र हालसम्म पहिचान भएको छ। नेपालबाट चोरिएर के कति मूर्तिहरु विदेश पुगेका छन् त्यसबारे स्पष्ट तथ्याकं आफूसँग नभएको सरकारले बताउँदै आएको छ।

फ्रान्सको लियोँमा अघिल्लो महिना इन्टरपोलले आयोजना गरेको हराएका पुरातात्विक सम्पदाहरुको संरक्षण सम्बन्धी कार्यशाला गोष्ठीमा बेलायत पुगेका ती मूर्तिबारे जानकारी गराइएपछि गोष्ठीमा सहभागी पुरातत्व विभागका अधिकारीहरु आश्चर्यमा परेका थिए।

उक्त गोष्ठीका क्रममा क्रिस्टिज प्रतिनिधिले बेलायत पुगेका १४ वटा नेपाली मूर्ति फिर्ता दिन आफू इच्छुक रहेको जानकारी गराए लगत्तै विभागले ती मूर्तिहरु फिर्ता ल्याउने प्रक्रिया थालेको महानिर्देशक भेषनारायण दाहालले बीबीसीलाई बताए ।

ती पुरातात्विक महत्वका मूर्तिहरु सन् २०१२ मा लिलामीमा राखिएको थियो।

प्रतिक्रिया

सम्बन्धित सामाग्री

फेसबुक