एसिड आक्रमणकारी पक्राउ: प्रहरी

काठमाडौ। प्रहरीले काठमाडौंको वसन्तपुरमा ट्युसन पढ्न गएका दुई युवतीमाथि एडिस आक्रमणमा संलग्न रहेको भन्दै एक युवकलाई पक्राउ गरेको छ। acidप्रहरी  स्रोतका अनुसार संगीता पुलामी मगर बस्दै आएको वसन्तपुर क्षेत्रको घरमै यसअघि भाडामा बस्दै आएका जीवन बिकलाई एसिड फालेको आरोपमा पक्राउ गरेको हो। मगर परिवारले बिकमाथि शंका गर्दै आएको थियो । प्रहरीले सिक्किम गान्तोकबाट बिकलाई पक्राउ गरि ल्याएको छ। आज अपरान्ह पत्रकार सम्मेलन गरी त्यसबारेमा प्रहरीले जानकारी दिने बताइएको छ । फागुन-१० गते एक टयुसन सेन्टरमा पढिरहेको बेला संगीता र उनीहसँगै रहेकी सीमा बस्नेतमाथि एसिड प्रहार गरिएको थियो। गम्भीर घाइते दुई जनै छात्रा उपचारकै क्रममा अस्पताल भर्ना छिन्। प्रहरीले दिउँसो पत्रकार सम्मेलन गरेर बिकलाई सार्वजनिक गरिने जनाएको छ।

आक्रमण भएको लामो समयसम्म पनि दोषी पक्राउ  गर्न नसकेको भन्दै प्रहरीको आलोचना हुँदै आएको थियो।

प्रतिक्रिया

सम्बन्धित सामाग्री