भट्टराईले भेटे भारतीय राष्ट्रपति र केजरिवाल

काठमाडौ। भारत भ्रमण्मा रहेका एमाओवादी वरिष्ठ नेता बाबुराम भट्टराईले भारतीय राष्ट्रपति प्रणव मुखर्जी तथा दिल्लीका मुख्यमन्त्री अरविन्द केजरीवालसँग मंगलबार छुट्टाछुट्टै भेटवार्ता गरेका छन्। राष्ट्रपति भवनमा राष्ट्रपतिसँग र नयाँदिल्लीस्थित आम आद्मी पार्टीको मुख्यालयमा केजरीवालसँग भेटवार्ता गरेको भट्टराईको सचिवालयले जनाएको छ।BRB_Kejariwal

भेटमा भारतीय राष्ट्रपति मुखर्जीले शान्तिप्रक्रिया र संविधान निर्माणबारे चासो व्यक्त गरेका थिए। नेता भट्टराईले शान्ति प्रक्रियालाई पूर्णता दिने प्रक्रियामा रहेको उल्लेख गर्दै अहिले केही अवरोध भएपनि दलहरु छिट्टै एउटा सहमतिमा पुगेर शान्ति प्रक्रियाले पूर्णता पाउने विश्वासमा आफूहरु रहेको बताएका थिए।

राष्ट्रपति मुखर्जीले तत्कालिन राजा ज्ञानेन्द्र शाहको सक्रिय शासनविरुद्ध आन्दोलनरत सात दल र विद्रोही नेकपा माओवादीबीच १२ बुँदे सहमति गराउन मुख्य भूमिका निर्वाह गर्ने व्यक्तिको रुपमा चिनिन्छन्।

राष्ट्रपति भेटे लगत्तै भट्टराई आम आदमी पार्टीको मुख्यालय पुगेर दिल्लीका मुख्यमन्त्री अरविन्द केजरीवालसँग भेटवार्ता गरे। दुवै नेताहरुबीच नयाँशक्तिको विचार बारे छलफल भएको थियो। परम्परागत लोकतन्त्र भन्दा सिधै जनतामा गएर जनताकै काम गर्ने शैलीको विकास गर्नुपर्नेमा दुबै नेताबीच समान धारणा थियो। साथै उनीहरुबीच नियमित सम्पर्कमा रहने विषयमा पनि छलफल भएको थियो। भ्रष्टाचार, अनियमितता लगायतका जनताविरोधी विकृतिको अन्त्य गर्ने गरी लोकतन्त्रको नयां मोडेलको विकास गर्ने विषयमा पनि छलफल भएको थियो ।

 

प्रतिक्रिया

सम्बन्धित सामाग्री