आइतबार, मंसिर १४ २०७७ | Sun, November 29, 2020
नेपालको समय: ०५:०२ | UK Time: 23:17

करिब १० अर्ब सम्पति थप्दै विनोद चौधरी फोर्ब्सको १४१५ अौं स्थानमा

वीनेपाली
२०७१ फागुन १८ गते २२:००

Binod Chaudhary

लण्डन । नेपाली उद्योगपति विनोदकुमार चौधरी यस वर्ष करिब १० अर्ब नेपाली रुपियाँ सम्पति कमाउन सफल भएका छन् ।

न्युयोर्कमा प्रधान कार्यालय रहेको फोर्ब्स म्यागाजिनले सोमबार सार्वजनिक गरेको विश्वका नयाँ अर्बपतिहरुको सूचीमा उनी १४१५ अौं स्थानमा पर्न सफल भएका छन् ।

म्यागाजिनका अनुसार उनको सम्पति १ दशमलब ३ मिलियन अमेरिकी डलर रहेको छ ।

चाउचाउ, बियर र होटलमा लगानी रहेको चौधरी समूहले यस वर्ष नेपालमा टेलिकम र हाइड्रोमा लगानी गरेको बताइएको छ भने भारतको फर्न होटलको ५१ प्रतिशत शेयर लिएको उल्लेख गरिएको छ । यसैगरी उनले अफ्रिका र दुबईमा होटलमा लगानी थपेको बताइएको छ ।

 

यसै वर्ष उनको माहिला छोराको विलासी विवाहमा करिब १ हजार जना पाहुनालाई जयपुरमा तीन दिनसम्म भव्य पार्टी दिएको कुरा पनि पत्रिकामा उल्लेख छ ।

सन् २०१३ मा पहिलो पटक उनी १ बिलियन अमेरिकी डलरसहित फोर्ब्समा सूचीकृत भएका थिए । त्यतिखेर उनको स्थान १३४२ थियो ।

गत वर्ष  १ दशमलव २ बिलियन अमेरिकी डलर बराबरको सम्पतिसहित उनी १४६५ अौं स्थानमा थिए ।

उनी फोर्ब्सको सूचीमा पर्ने एक मात्र नेपाली उद्योगपति हुन् ।

यस वर्षको अर्बपतिको सूचीमा माइक्रोसफ्टका बिल गेटस ३ दशमलन २ बिलियन अमेरीकी डलर सहित पुन नम्बर वान बनेका छन् गत वर्ष नम्बर वान बनेका मेक्सिकोका कार्लो स्लीम हेलु दोस्रो स्थानमा झरेका छन् ।

फोर्ब्सले सार्वजनिक गरेको १ हजार ८२६ जना अर्बपतिहरुको सूचीमा २९० नयाँ प्रवेशी छन् जसमध्ये ७१ जना चिनियाँ मूलका छन् ।

नयाँ अर्बपतिहरुमा ४६ जना ४० वर्षमुनीका छन् ।

फेसबुकका मार्क जुकरबर्ग १६ अौं स्थानमा छन् भने स्नापचाट एप्सका संस्थापक २४ वर्षीय इभान स्पीगेल कम उमेरका अर्बपति बनेका छन् ।

 

प्रतिक्रिया

सम्बन्धित सामाग्री

फेसबुक