३३ दलद्वारा संविधानसभा विघटन माग्दै अान्दोलनको घोषणा

काठमाडौं। संविधानसभा विघटनको माग गर्दै नेकपा-माओवादी मोहन वैद्य नेतृत्वको ३३ दलीय मोर्चाले आन्दोलन घोषणा गरेको छ । Mohan Baidya

मोर्चाको बिहीबार बसेको बैठकले संविधानसभा विघटनको माग गर्दै ‘सर्वपक्षीय अधिकारसम्पन्न राजनीतिक सभा’ का लागि आन्दोलन गर्ने निर्णय गरेको हो।

एमाओवादी नेतृत्वसँग आधारभूत रूपमा नै मुद्दा र एजेन्डा नमिलेकाले सँगसँगै आन्दोलनमा नजाने ३३ दलीय मोर्चाले निर्णय गरेको हो। वैद्य नेतृत्वको मोर्चा पनि एकीकृत माओवादीका अध्यक्ष पुष्पकमल दाहालको मोर्चासँग मिलेको थियो।

माघ ८ मा संविधानसभाको औचित्य सकिएको र आफ्नो सर्वपक्षीय सम्मेलनको मागको औचित्य क्रमशः पुष्टि हुँदै गएको निष्कर्ष निकाल्दै ३३ दलीय मोर्चाले त्यसका लागि दबाब दिन विभिन्न कार्यक्रम गर्ने भएको छ । सोहीअनुसार फागुन १५ गते अन्तक्रिया र फागुन २५ गते काठमाडौंमा प्रदर्शन गर्ने मोर्चाले जनाएको छ ।

प्रतिक्रिया

सम्बन्धित सामाग्री