बिहीबार, कार्तिक ६ २०७७ | Thu, October 22, 2020
नेपालको समय: ०६:१६ | UK Time: 01:31

बोर्डर सडक निर्माण रोक्न माग गर्दै पत्राचार

वीनेपाली
२०७१ फागुन ६ गते १९:५४

काठमाडौं। नेपाल सरकारले दशगजा क्षेत्रसँग जोडेर एकतर्फी रुपमा गरेको सडक निर्माण कार्य तत्काल रोक्न आग्रह गर्दै भारतसँग पत्राचार गरेको छ। पत्र परराष्ट्र मन्त्रालयमार्फत भारतीय दूतावासलाई पठाइएको नेपालका अधिकारीहरुले बताएका छन्।Nepal-border-Pill

केही दिन पहिले गृह मन्त्रालय सहसचिवस्तरमा सडक निर्माणका विषयमा भएको निर्णयसहित पठाइएको उक्त पत्रको जवाफ भने आई नसकेकको बताइएको छ।

नदीको प्राकृतिक बहाव रोक्ने गरी १ हजार ६ सय किलोमिटर सडक निर्माणको काम भारतले बाँके जिल्लाको सीमावर्ती क्षेत्रबाट शुरु गरेको बताइएको छ। तर अन्तर्राष्ट्रिय सन्धिका विज्ञहरुले तल्लो तटीय क्षेत्रले नदीको बहावलाई नै रोक्ने गरी सडक निर्माण गर्न नपाउने बताएका छन्। यसरी सडक निर्माण गरिदा नेपालबाट बग्ने साना र ठूला गरी ६० वटा नदीहरुको प्राकृतिक प्रवाह रोकिने बताइन्छ।

स्थानीयस्तरमा विरोध शुरु भएपछि केही दिन पहिले पोखरामा दुई देशका गृह सहसचिवस्तरीय बैठकमा नेपाली पक्षले सडक निर्माणको विषयमा भारतीयपक्षसँग कुरा उठाएको थियो।

भारतद्वारा निर्मित लक्ष्मणपुर बाँध र कलकलवा तटबन्धका कारण हरेक वर्ष बाँके जिल्लाका केही भूभाग डुबानमा पर्दै आएका थिए।

प्रतिक्रिया

सम्बन्धित सामाग्री

फेसबुक