काठमाडौं। दोस्रो संविधान सभा बहिस्कारदेखि करिव करिव राजनीतिक परिदृष्ट हराएको अवस्थामा रहेको नेकपा-माओवादीले समाजमा विसंगति बढ्दै गएको भन्दै जनकारवाही अभियान चलाउनुपर्ने बताएको छ ।
पार्टीको केन्द्रीय समितिको मंगलबारको बैठकमा अध्यक्ष मोहन वैद्यले विगसंतिबिरुद्ध जनकारवाही चलाउनु पर्ने प्रस्ताव मौखिक राखेको एक केन्द्रीय सदस्यले जानकारी दिए ।
उक्त प्रस्तावमा बुधबारबाट छलफल हुनेछ । जनकारवाही भ्रष्टाचारी, दलाल र कालावाजरीमाथि गर्न वैद्यले प्रस्ताव गरेको प्रवक्ता पम्फा भुसालले पुष्टि गरेकी छिन् ।
भुषालका अनुसार अबको आन्दोलन दलाल र भ्रष्टाचारीलाई कारवाही गरेर गर्ने अध्यक्ष वैद्यले प्रस्ताव गरेका थिए ।
त्यसपछि जनसवालका विषयमा आन्दोलन गर्ने भुषासले जनाइन् । जनकारवाही गर्नको लागि आगामी फागुन १ देखि चैत २४ सम्म पार्टीका कार्यकर्ता परिचालन गर्दै अभियान चलाउने प्रस्ताव गरिएको छ ।
