बुधबार, मंसिर १० २०७७ | Wed, November 25, 2020
नेपालको समय: ०२:१० | UK Time: 20:25

संविधानमा सहमति बनेन, द्वन्द्व बढ्ने संकेत

वीनेपाली
२०७१ माघ ५ गते १८:५६

काठमाडौं। प्रमुख राजनीतिक दलहरुबीच नयाँ संविधानको अन्तर्वस्तुबारे सहमति जुटाउने प्रयास असफल भएपछि देश द्वन्द्वतर्फ जाने संकेत देखिएको छ। आइतबार सहमति नजिक पुग्न लागेको दावी गर्ने दलहरुबीच सोमबार दुरी झनै बढेको स्पष्ट देखिएको छ।Three Dal

दलहरुबीच सोमबार दिनभर जस्तो भएको पटक पटकको वार्ताले कुनै निष्कर्ष निकाल्न सकेन। बैठक असफल भएपछि दलहरुबीच आरोप प्रत्यारोप शुरु भएको छ। सत्तारुढ कांग्रेस, एमालेले एकीकृत नेकपा माओवादीका कारण वार्ता असफल भएको आरोप लगाएका छन् भने एकीकृत माओवादीले कांग्रेस एमालेमाथि दोष लगाएको छ।

सहमतिको प्रयास असफल भएपछि सत्तारुढ दलहरु संविधान निर्माणको प्रक्रिया अघि बढाउने भएका छन् भने विपक्षी मोर्चाले सहमतिका लागि भन्दै देशव्यापी आमहड्तालको घोषणा गरेको छ। दाहालले सहमति बिनाको संविधानले अर्को विद्रोह जन्माउने बाहेक अन्य काम नहुने बताएका छन्। तर सत्तारुढ दलहरुले संविधानसभा अल्पमतको बन्धक बन्न नसक्ने बताउँदै अएका छन्।

यसैबीच संविधानसभा कार्य व्यवस्था समितिको बैठक सम्पन्न भएको छ। सदस्यहरुले लामो बोलेर समय घर्क्याएको बताइएको छ । सभामुखसहित सत्तारुढ दलका नेताहरुले प्रश्नावली समिति बनाएर अघि बढ्ने जनाएका छन् तर विपक्षीहरुले त्यसको विरोध गरिरहेका छन् । सोमबार दिउँसो १ बोलाएको बैठक मध्यरात १२ बजेसम्म पनि बस्न सकेको छैन।

प्रतिक्रिया

सम्बन्धित सामाग्री

फेसबुक