मंगलबार, असोज ६ २०७७ | Tue, September 22, 2020
नेपालको समय: १९:२५ | UK Time: 14:40

विद्यार्थीले संविधानसभामा उङ्ने जुलुस गर्ने

वीनेपाली
२०७१ पुष २ गते १८:५०

काठमाडौं। विद्यार्थी संगठनहरुले संविधान निर्माणका लागि दवाव दिन संविधानसभा बाहिर उङ्ने जुलुस गर्ने भएका छन्। अनेरास्वियुको कार्यालयमा भएको ११ वटा विद्यार्थी संगठनले ६ सय १ जना निदाएका उङ्ने सभाषदहरुलाई व्यङ्ग गर्दै अभियान गर्दै पुस ८ गते व्यङ्ग जुलुस गर्ने निर्णय गरेको हो।

CA-buildingत्यसैगरी पुस १३ गते सबै पेशागत संगठनहरु, आम नागरिक र युवा बिद्यार्थी संगठनको उपस्थितिमा समयमै संबिधान जारि गराउन दवाव स्वरूप सार्वजनिक सडक बहस संचालन गर्ने भएको अनेरास्ववियुका प्रचार विभाग प्रमुख अशेष घिमिरेले बताएका छन्।

अनेरास्ववियुले संबिधान निर्माणको लागि संचालन गरेको मेची महाकाली दबाब आन्दोलन सबैको साझा आन्दोलनको रुपमा ग्रहण गर्ने र बुधबार देशभरी बाट तीन दिन लगाएर संकलन गरिएको करिव दस लाख हस्ताक्षर सभामुखलाई सबै संगठनले बुझाउने निर्णय गरेको छ ।

अनेरास्ववियु, नेविसंघ, अखिल क्रान्तिकारी, अखिल छैठौं, अखिल पाँचौ, विभिन्न मधेसी बिद्यार्थी संगठन, राप्रबिसंघ लगायतका संगठनहरुले प्रत्येक शुक्रबार रचनात्मक शुक्रबारका रुपमा मनाउने भएका छन्। त्यसको शुरुवात आगामी शुक्रबार रत्न राज्यलक्ष्मी क्याम्पस प्रदर्शनीमार्गमा भेला भएर सरसफाइ कार्यक्रम गर्ने भएका छन्।

बिहीबार अविलम्ब स्ववियु निर्वाचनको मिति घोषणा गर्न र त्रिविले शुरुवात गरेको सेमेस्टर प्रणालीको स्तरोन्नति का लागि त्रिविका पदाधिकारीलाई ध्यानाकर्षण पत्र बुझाउने निर्णय गरेको छ।

 

प्रतिक्रिया

सम्बन्धित सामाग्री

फेसबुक