खैरेनीटार सेरोफेरोले सेरामा समाज घर बनाउन सघाउने

लण्डन । तनहुँको खैरेनीटार क्षेत्रबाट युकेमा बसोबासरत नेपालीहरुको संस्था खैरेनीटार सेरोफेरो समाजले सेराटारमा समाजघर बनाउन सहयोग गर्ने भएको छ ।
समाजको गतसाता लण्डनमा सम्पन्न वार्षिक भेटघाटका अवसरमा उपस्थित गाउँलेहरुबाट सो समाज घर निर्माणका लागि ६ लाख ५ हजार रुपियाँ संकलन भएको समाजका सल्लाहकार तथा नेपाली टिभीका निर्देशक मोहन गुरुङले जानकारी दिए । सहयोग संकलनलाई अझै प्रभावकारी बनाइ छिट्टै सहयोग हस्तान्तरण गरिने पनि गुरुङले बताए ।
समाजका अध्यक्ष रत्नबहादुर गुरुङको अध्यक्षता तथा महासचिव राजेन्द्र राना र सहसचिव सुस्मिता गुरुङले सञ्चालन गरेको सो वार्षिक भेटघाटमा सल्लाहकार मोहन गुरुङ, सल्लाहकार किसन गुरुङ र समाजका अग्रज रामबहादुर गुरुङले मन्तब्य दिएका थिए । समाजकी कोषाध्यक्ष निर्मला थापाले आयव्यव विवरण पेश गरेकी थिइन् ।
कार्यक्रममा समाजका महासचिव राजेन्द्र राना र श्रीमती हेमा रानाकी छोरी रैसा राना, नरबहादुर थापा र साहिरा थापाकी छोरी रीना थापा, सल्लाहकार कृष्णदेवी गुरुङकी छोरी रत्ना गुरुङ र गंगा गुरुङकी छोरी प्रिया गुरुङ र किसन गुरुङ र युवा गुरुङका छोरा रोशन गुरुङलाई यसैवर्ष विभिन्न विश्वविद्यालयबाट स्नातक तथा स्नातकोत्तर गरेकोमा सम्मान गरिएको थियो । यसैवर्ष विवाह बन्धनमा बांँधिएका समाजका उपाध्यक्ष चुनबहादुर गुरुङका छोरा मिनबहादुर गुरुङ र अनिता गुरुङलाई पनि बधाई दिइएको थियो ।