लन्डन । आगामी आइतबार डिसेम्बर १४ मा हुन गइरहेको ६४ औं मिस वोर्ल्ड २०१४ अन्तर्गत पिपुल्स् च्वाइस्मा बुधवारसम्म मिस नेपाल सुविन लिम्बु पांचौं स्थानमा पुगेकी छिन् ।
अनलाइन भोटिङमार्फत सुविन पांचौं स्थानमा आइपुगेकी हुन् । अब चार दिनमात्र बांकी रहेकाले सुविनले अनलाइन मार्फत आफूलाई मत दिन विश्वभर छरिएर रहेका नेपालीहरुमा अपिल गरेकी छिन् ।
तलको लिंकमार्फत एप्स् डाउनलोड गरि सुविनलाई मत दिन सकिने छ ।
http://www.missworld.com/TheCompetition/TheMissWorldMobileApp/
मिस वोर्ल्ड आयोजकका अनुसार, पहिलोमा अष्ट्रेलिया, दोश्रो बारबाडोस्, तेश्रो हाइटी, चौंथो इण्डिया र पांचौंमा नेपालकी सुविन छन् । त्यसैगरि, नेदरल्याण्डस्, फिलिपिन्स्, रसिया, साउथ अफ्रिका र थाइल्याण्ड क्रमशः टप टेनभित्र परेका छन् ।
१२० सुन्दरीहरुबीच मिस वोर्ल्डको फिनाले लन्डनस्थित एक्सेलमा हुंदैछ ।
गत ७ डिसेम्बर राती मिस वोर्ल्ड आयोजकले दिएको सरप्राइज वर्थ डे सेलेब्रेसनसंगै सुविन २४ औं वर्षमा टेकेकी छिन् । मिस नेपाल भएपछिको उनको पहिलो जन्मदिन, त्यो पनि विश्वका विभिन्न सुन्दरीहरुबीच भएको कार्यक्रमले उनी दंग छिन् । ‘वहु संस्कृति र विविधता बोकेको विश्वका एकसय २० देशका प्रतिष्पर्धीहरुसंगको उठवसले धेरै सिक्ने मौका पाएकी छु’, सुविन भन्छिन्, ‘मिस वोर्ल्डको फाइनल नजिकिंदै गर्दा चुनौतीसंगै आत्मविश्वास पनि बढिरहेको छ ।’ ढाका पहिरनमा देखिने तयारीमा रहेकी उनले नेपालको नाम राख्न आफू प्रयत्नशील भइरहेको जनाएकी छिन् ।
सबै तस्विरहरु सुविनको फेसबुक पेजबाट