सोमबार, असोज १२ २०७७ | Mon, September 28, 2020
नेपालको समय: १५:३३ | UK Time: 10:48

चन्द्रनिगाहपुर बैंक डकैतीका प्रमुख योजनाकार पक्राउ

वीनेपाली
२०७१ मंसिर १५ गते २०:२७

काठमाडौं। रौतहटको चन्द्रनिगाहपुरस्थित बैंकको रकम लुट्न मुख्य योजनाकारलाई प्रहरीले पोखरामा पक्राउ गरेको छ। मुख्य योजनाकार पूर्व माओवादी कार्यकर्ता चन्द्रनिगाहपुरकै सुशील दुलाललाई कास्की प्रहरीले पक्रेको हो। मंसिर २ गते रौटहट चन्द्रनिगाहपुरको एसबिआई बैंकबाट २० लाख र वैशाख १५ गते पोखराको मेगा सहकारीबाट ३१ लाख रुपैयाँ लुटेर फरार दुलाललाई आइतबार लेकसाइडबाट पक्रेर प्रहरीले सोमबार सार्वजनिक गरेको छ।Sushil_Dulal

एक तलामाथिको सहकारी कार्यालयबाट पैसा लिएर भर्‍याङबाट ओर्लनासाथ गार्डलाई समातेर उनको आँखामा पट्टी बाँधी पैसाको झोला खोसेका थिए। यती बैंकका गार्ड गोविन्द थापाकै पछिपछि आइरहेका बैंक कर्मचारी भगवान बराललाई लगत्तै लुटेराले गोली हानेका थिए। चन्द्रनिगाहपुरमा भने नजिकैको एसबिआइ बैंकबाट रकम लिएर फर्किंदै गरेका इन्फ्रास्ट्रचर डेभ्लोप्मेन्टका गार्डलाई गोली प्रहार गरी पैसा बोकेको ब्याग बोकेर भागेका थिए।

वसन्तसँगै घटनामा संलग्न अर्का आरोपी रोल्पाका विजय केसी पनि फरार छन्। रौतहटमा बैंक लुट्दाकै दिन सिन्धुली घर भएका नारायण राई भने समातिएका थिए। बैंकबाट पैसा लुटेर भाग्दै गर्दा वसन्तले बोकेको पेस्तोल अचानक पड्किएर घाइते भएका राई बाटोमै प्रहरी फन्दामा परेका थिए। उनकै बयानका आधारमा प्रहरीले अरुलाई पक्रन सफल भएको हो।

प्रतिक्रिया

सम्बन्धित सामाग्री

फेसबुक