आइतबार, असोज ११ २०७७ | Sun, September 27, 2020
नेपालको समय: १३:३० | UK Time: 08:45

चार महिनामा उपत्यकामा ४२ बलात्कार

वीनेपाली
२०७१ मंसिर १४ गते १७:१३

काठमाडौं। काठमाडौं उपत्यकामा पछिल्लो चार महिनामा ४२ जना बलात्कृत भएको प्रहरीले जनाएको छ। महानगरीय प्रहरी आयुक्तको कार्यालयले आइतबार काठमाडौं, ललितपुर र भक्तपुरको आपराधिक घटनाको विवरण सार्वजनिक गर्दै महिला तथा बालबालिका सम्बन्धी उजुरीमा बलात्कार सबैभन्दा माथि भएको जनाएको छ।map-of-kathmandu-nepal

महानगरीय प्रहरी आयुक्त कार्यालयका अनुसार चार महिनामा महिला तथा बालबालिका सम्बन्धी ९५ वटा घटना प्रहरीसम्म आइपुगेको छ।

उपत्यकामा चार महिनाको अवधिमा ९ जनालाई बलात्कार प्रयास भएको घटना प्रहरीसम्म पुगेको छ। २५ वटा बहुविवाह, १६ वटा मानव बेचबिखन र ३ वटा अप्राकृतिक मैथुनसम्बन्धी घटना प्रहरीमा दर्ता भएका छन्।

प्रहरीको तथ्यांकमा काठमाडौं उपत्यकामा वार्षिक ६ हजार आपराधिक घटना प्रहरीसम्म आइपुग्छ। कात्तिकमा प्रहरीमा १ सय ५० आपराधिक घटनाबारे जानकारी आएको थियो। जसमा चोरी दोस्रो नम्बरमा छ। संख्याको आधारमा सवारी दुर्घटना पहिलो नम्बरमा छ।

आयुक्त कार्यालयले सार्वजनिक गरेको साउनदेखि कात्तिकसम्मको अपराध तालिकाअनुसार यो बीच उपत्यकाका काठमाडौं, ललितपुर र भक्तपुरमा १ सय ५० वटा चोरी घटना भएका छन्। कात्तिकमा ६१ वटा चोरीका घटना भएका छन् । मंसिर पहिलो साता २१ वटा चोरी घटना प्रहरीसम्म आएको छ।

प्रतिक्रिया

सम्बन्धित सामाग्री

फेसबुक