मंगलबार, असार १ २०७८ | Tue, June 15, 2021
नेपालको समय: ०९:३७ | UK Time: 04:52

जोगिएला भौतिकपूर्वधार ? कसरी तयार गरिएको थियो काठमाडौं (फोटोफिचर)

वीनेपाली
२०७१ मंसिर १२ गते १६:४८

काठमाडौ। सरकारका मुख्य सचिव लिलामणि पौडेलले सार्क शिखर सम्मेलन र त्यसअघि उपत्यकामा निर्माण गरिएको भौतिक पूर्वाधारहरुको उचित हेरचाह गर्न निर्देशन दिएका छन्। पौडेलको यस्तो निर्देशन दुई दिने सार्क शिखर सम्मेलन सम्पन्न भएको एक दिन पछि आएको हो। 
प्रधानमन्त्री तथा मन्त्रिपरिषद कार्यालयका सचिव शान्ताराज सुवेदीका अनुसार काठमाडौं महानगरपालिका, सडक विभाग, काठमाडौं उपत्यका विकास प्राधिकरण, नेपाल विद्युत प्राधिकरणलाई आफ्नो जिम्मेवारीभित्र पर्ने भौतिक पूर्वाधारको हेरचाह गर्न मुख्य सचिव पौडेलले निर्देशन दिएका हुन् ।

सचिव सुवेदीले भने, ‘मुख्य सचिवले सबैलाई आफ्नो जिम्मेवारी नबिर्सन आग्रह गर्नु भएको छ।’ सरकारले १८ औ सार्क शिखर सम्मेलनअघि काठमाडौं उपत्यकालाई आकर्षक बनाउन मात्रै २ अर्ब रुपैया खर्च गरेको छ।

यसैबीच महानगरपालिकाले सम्मेलनका क्रममा सडकको दाया र बाँया रोपिएका रुख-विरुवालाई जोगाउन दैनिकजसो मलजल गर्ने कार्यलाई निरन्तरता दिने भएको छ । सार्कको अवसरमा सडकका दायाँबायाँ कपुर, जापानी चेरी, धूपीसल्ला, पैयूँजस्ता रूख-बिरुवा रोपिएको छ ।

राजधानीका सडक दायाँबाया नौ लाख मुल्यका ५०० गमला, १० लाखका झन्डै दुई हजार साना/ठूला रूख बिरुवा र १३ लाखका ४सय ७५ वटा रूख जोगाउने बार राखिएको छ ।

पहिलेपहिले सडकमा राखिएका गमला र फोहोर फाल्ने भाँडो चोरी भएपनि सार्क सुरुभएदेखि अहिलेसम्म कुनै पनि स्थानबाट एउटा पनि गमला वा फूल चोरी नभएको महानगरपालिकाले जनाएको छ । तर, अबका दिनमा चोरी भएको खण्डमा चोरी गर्नेलाई नेपाल प्रहरीलाई जिम्मा लगाएर चोरी ऐनअनुसार कारबाही गरिने महानगरपालिकाको भनाइ छ ।

प्रतिक्रिया

सम्बन्धित सामाग्री

फेसबुक