मंगलबार, कार्तिक ११ २०७७ | Tue, October 27, 2020
नेपालको समय: १०:१५ | UK Time: 04:30

मोदीले भने संख्यामा होइन सहमतिमा संविधान

वीनेपाली
२०७१ मंसिर ९ गते १३:३५

काठमाडौं- भारतीय प्रधानमन्त्री नरेन्द्र मोदीले सहमतिका आधारमा संविधान बनाउने प्रयास गर्न सुझाएका छन्। सार्क सम्मेलनमा सहभागी हुन नेपाल आएका मोदीले राष्ट्रिय ट्रमा सेन्टर उद्‌घाटन समारोहलाई सम्बोधन गर्दै भने, ‘संख्याको आधारमा संविधान बनाउँदा नराम्रो प्रभाव पर्न सक्छ।’narendra_modi

सत्तारुढ दलहरु नेपाली कांग्रेस र एमालेले सहमति नभए दुई तिहाइ बहुमतको आधारमा भएपनि संविधान बनाउनु पर्नेमा जोड दिएको समयमा मोदीको यस्तो धारणा आएको हो।

मोदीले नेपालमा जति छिटो संविधान बन्छ त्यसले नेपाललाई फाइदा हुने धारणा राखे । ‘म एक मित्र राष्ट्रको नाताले प्रार्थना गर्दछु तपाइँहरु सहमतिमा संविधान बनाउनुहोस्, छिटो संविधान बनाउनुहोस्’, उनले भने, ‘मेरो आग्रह छ कि नेपालको संविधान यस्तो बनोस् जहाँ हरेक नेपाली वर्गको प्रतिनिधित्व होस्, संविधान संख्या बलले हैन सहमतिले बनोस् ।’ मोदीले नेपालमा छिटो संविधान बन्दा भारत खुशी हुने बताए । सवैको सपना र अवसरलाई समेटेर अपनत्व महसुस हुने संविधान निर्माण गर्नु पर्ने उनको धारणा थियो।

 

प्रतिक्रिया

सम्बन्धित सामाग्री

फेसबुक