काठमाडौ। मोहन वैद्यको नेतृत्वको नेकपा-माओवादी विभाजन भएको छ। कुपण्डोलमा भएको केन्द्रीय कमिटीको विस्तारित बैंठकमा सचिव नेत्रविक्रम चन्द अध्यक्ष वैद्यलाई सम्बन्ध विच्छेदको पत्र बुझाउँदै बाहिरिएका छन्। 

चन्दको पत्रमा बैद्यको नेतृत्वमा पार्टी र वर्गग संघर्ष अघि बढ्न नसक्ने उल्लेख छ।  चन्द आगामी रणानीति केही समयपछि दिने तयारी चन्द समूहले गरेको छ। दीर्घकालीन जनयुद्धको कार्यनीति बनाएर पार्टीलाई अघि बढाउनु पर्ने पक्षमा चन्द रहँदै आएका थिए। गत साता चन्दले आफू निकट रहेका नेताहरुको कपिलबस्तुको शिवगढी जंगलमा राष्ट्रिय भेला आयोजना गरेको थिए। वैद्यले सो कार्यलाई पार्टी पद्धति विपरित भएको बताउँदै चन्दको चर्को आलोचना गरेका थिए।

एकीकृत नेकपा माओवादीसँग विभाजन भएर साढे २ वर्ष अघि नेकपा-माओवादी गठन भएको थियो।