नौ सय बीस पत्रकारलाई विशेष पास

काठमाडौं।सूचना विभागले दक्षिण एसियाली क्षेत्रिय सहयोग संगठनको १८औं शिखर सम्मेलनको समाचार संकलन गर्नको लागि स्वदेशी र विदेशी गरी ९ सय २० जनालाई विशेष पास उपलब्ध गराएको छ । सार्क समाचार संकलनको लागि विशेष पास लिनेमा तीन सय २५ जना विदेशी पत्रकार छन् ।

विभागका अनुसार विशेष पास लिने विदेशी पत्रकारमा सबैभन्दा बढि भारतका छन् । भारतबाट एक सय ४९ जना पत्रकारले विशेष पास लिएका छन् । यस्तै बंगलादेशबाट एक सय २३ जना पत्रकार सार्क सम्मेलनको समाचार संकलन गर्न नेपाल आउने भएका छन् । विभागले ९ सय २० जना पत्रकारलाई पास बांडेपनि  रयाडिसन होटलमा पत्रकारको लागि मिडिया सेन्टर स्थापना गरिएको छ ।

यसैबीच निजी सञ्चार माध्यमहरुलाई कार्यक्रम स्थलमा प्रवेश गर्न नदिएको विरोध गर्दै फोटोपत्रकारहरुले विरोध गरेका छन्। सूचना तथा सञ्चारमन्त्री मिनेन्द्र रिजाललाई भेटेर सरकारले उचित व्यवस्थापन नगरे सार्कनै बहिस्कार गर्ने चेतावनी उनीहरुको छ ।