बैतडीले फेरि जित्यो यु-१९ राष्ट्रिय क्रिकेट

काठमाडौ। क्षेत्र नम्बर ६ बैतडीले यु–१९ नेशनल च्याम्पियनको उपाधि दोस्रो पटक जितेको छ । त्रिभुवन विश्वविद्यालयको क्रिकेट मैदानमा बिहीबार भएको खेलमा क्षेत्र नम्बर ८ पोखरालाई ९६ रनले पराजित गर्दै बैतडीले उपाधि उचालेको हो ।

यु-१९ प्रतियोगिताका विजेता क्षेत्र नम्बर ६ बैतडी। तस्विर: क्रिकेट डट कम डट एनपी

यु-१९ प्रतियोगिताका विजेता क्षेत्र नम्बर ६ बैतडी। तस्विर: क्रिकेट डट कम डट एनपी

फाइनलमा बैतडीका कप्तान प्रेम तामाङको ब्याटिङ र बलिङ दुवैमा चम्किए । उनी नै म्यान अफ द म्याच बने । फाइनलमा पोखराको ब्याटिङ भने फ्लट खाएको थियो ।

टस जितेत ब्याटिङ गर्न आएको बैतडीले खराब शुरुवात गरेको थियो । १६ रनको अवस्थामा बैतडीले दुवै आपनिङ ब्याट्सम्यान गुमाएको थियो । तर मध्यमक्रममा ब्याट्सम्यानले खेललाई सम्हालेका थिए । ४९ ओभरमा अल आउट हुदा बैतडीले १ सय ५३ रनको चुनौतिपूर्ण रन जोड्न सफल भएको थियो ।

बैतडीका लागि योगेन्द्र कार्कीले सबैभन्दा बढी २५ रन बनाए भने प्रेम र अरुण ऐरीले २३ र २० रनको जोडे। पोखराका बलरहरु दीपेन्द्र श्रेष्ठ, सुशील कडेल र बिपिन खत्रीले २–२ विकेट लिएका थिए ।

प्रतिउत्तर ब्याटिङमा उत्रेको पोखराका कप्तान खेमराज पौडेलले गतिलो साझेदार प्राप्त गर्न नसक्दा टिम ५७ रनमै अल आउट भयो । पोखराका ८ ब्याट्सम्यनले दोहोरा अंक रन जोड्न सकेनन्। जसमध्ये तीन खेलाडी शुन्यमै आउट भए। पौडेलले सर्वाधिक २१ रन बाहेक राजेश लम्सालले १२ रन बनाएका थिए ।  बैतडीका कप्तान प्रेमले ६ आभेर ५ बलका स्पेलमा १८ रन दिँदै तीन विकेट लिए । योगेन्द्र र धिरज जैरुको नाममा २–२ विकेट रह्यो।  प्रतियोगिताको विजेता बैतडीले २५ हजार र उप विजेता पोखराले १५ हजार रुपैया हात पारेको छ ।

फाइनलसहित तीन वटा खेलमा म्यान अफ द म्याच बनेका प्रेम म्यान अफ द सिरिज घोषित भए । उनले पुरस्कारमा १० हजार रुपैया प्राप्त गरेका छन् ।

तीन वटा खेलमा१ सय ३७ रन बनाएका बैडतीका योगेन्द्र प्रतियोगिताको बेस्ट ब्याट्सम्यान बने । ४ खेलमा १२ विकेट लिने धनगढीका अर्जुन चापागाई बेस्ट बलर घोषित भए । उनीहरु दुवैले ५ हजार नगद प्राप्त गरेका छन् । धनगढीले फेयर प्लेको उपाधिसँगै ५ हजार रुपैया प्राप्त गरेको छ ।

प्रतिक्रिया

सम्बन्धित सामाग्री