नेपाली युवा फुटवल टोली एएफसी यु–१६ च्याम्पिनशीपअन्तर्गत महत्वपूर्ण खेलमा उत्तर कोरियासँग प्रतिस्पर्धा गर्दै छ । थाइल्यान्डमा जारी प्रतियोगिताको समूहगत चरणको आज हुने अन्तिम खेलमा नेपालले क्वाटरफाइनलमा प्रवेश गर्नका लागि बराबरी खेले पर्याप्त हुने छ भने उत्तर कोरियामाथि जित्दै पर्ने दवाव छ ।

कुवेतविरुद्ध निर्णायक गोल गरेपछि नेपाली स्ट्राइकर बिमल घर्ती मगर। तस्विर: गोलनेपाल डट कम

साबिक विजेता उज्वेकिस्तानसँग एक –एक को बराबरी खेलेको दोस्रो खेलमा कुवेतलाई २–१ ले पराजित गरेको थियो । पहिलो खेलमा कुवेतलाई ३–० खेल जितेको उत्तर कोरियाले उज्वेकिस्तानसँग ३–२ले पराजित भएको थियो । उज्वेकिस्तानले समूहमा ‘कमजोर’ देखिएको कुवेतसँग अन्तिम खेल आज एकै समयमा खेल्ने छ ।नेपाल र उत्तर कोरियाबीच राजामंगल स्टेडियममा अपरान्ह पौने तीन बजे खेल हुने छ । त्यसै समयमा उज्वेविस्तान र कुवेतबीच अर्को स्टेडियममा खेल हुने छ ।

कुवेतमाथि ३-० को जीत हासिल गरेको उत्तर कोरिया उज्वेकिस्तानसँग ३-२ ले पराजित भएको थियो । सी समुहको अन्तिम खेलबाट आउने समिकरणले क्वाटरफाइनल चरणमा प्रवेश गर्ने टोलीको निर्धारण गर्ने भएको एकै समय दुवै खेल हुन लागेको हो । १६ देशको युवा टोेलीलाई चार समूहमा विभाजित गरेर समूहगत चरणको प्रतिस्पर्धामा रहेका छन् । राउन्ड रोबिनको आधारमा सञ्चालन हुने समूह चरणको खेलमा शीर्ष स्थानमा आउने दुई टिम क्वाटरफाइनलमा प्रवेश गर्ने छ । प्रतियोगिताका शीर्ष चार स्थानमा रहने टोलीले आगामी वर्ष आयोजना हुने यु–१७ विश्वकपमा खेल्न पाउने छ ।