नेपालले थाइल्यान्डमा जारी एएफसी यु-१६ च्याम्पियनशीपमा कुवेतलाई पराजित गरेको छ । बैंककमा जारी फुटवल प्रतियोगितामा नेपालले कुवेतलाई २-१ले पराजित गरेको हो । साविक विजेता उज्वेकिस्तानसँग बराबरी खेलको नेपाल यो जीतसँगै क्वाटरफाइनलको नजिक पुगेको छ । खेलको दोस्रो मिनेटमा कुवेतका खेलाडीको आत्मघाती गोलसँग नेपालले अग्रता कायम गरेको थियो। यो पराजयसँगै कुवेत प्रतियोगिताबाट बाहिरिएको छ । कुवेतलाई पराजित गर्ने उत्तर कोरियासँग नेपालले अन्तिम खेल बिहीबार खेल्ने छ ।
बिहीबारको खेलमा बराबरीले नेपाललाई क्वाटरफाइनलमा पुर्याउने छ । दोस्रो खेलमा जीतसँगै नेपालको चार अंक भएको छ । मंगलबार भएको दोस्रो खेलमा उज्वेकिस्तानले उत्तर कोरियालाई ३-२ले पराजित गरेको छ । अंक तालिकामा समान अंक भएपनि गोल अन्तरको आधारमा नेपाल दोस्रो स्थानमा छ ।
समूह सीको अंक तालिका
शुरुवाती अग्रतापछि कुवेतले खेलमा फर्किन नेपालमाथि तीव्र दवाव बनाएको थियो। खेलको ७४ मिनेटमा कुवेतले पेनाल्टी गोल गर्दै खेल बराबरीमा ल्याएको थियो। नेपालका लागि बिमल घर्ती मगरले ८१ मिनेटमा पेनाल्टीबाट गोल गर्दै नेपालको पक्षमा खेल पारेका थिए ।
तस्विरहरु : गोलनेपाल डट कम
