नेपाल थाइल्यान्डमा जारी एएफसी यु–१६ च्याम्पियनशीप फुटबल प्रतियोगिताको पहिलो खेलमा आइताबार अपरान्ह साविक विजेता उज्वेकिस्तानसँग खेल्दै छ । चोटको कारण नेपाली टोलीका स्टार खेलाडी बिमल घर्ती मगर आइतबारको खेलमा मैदानमा उत्रिने संभावना कम रहेको नेपाली टोलीले जनाएको छ । मगर कुवेतसँग मंगलबार हुने खेलका लागि फिट हुने अपेक्षा गरिएको छ । थाइल्यान्डको राजधानी बैंककस्थित मैङथोङ रंंगलाशामा अपरान्ह (स्थानीय समय अपरान्ह ४ बजे, नेपाली समय २ बजेर ४५ मिनेट, बेलायती समय बिहान १० बजे) खेल प्रारम्भ हुने छ ।

नेपाल र उज्वेकिस्तानससँग समूह सीमा उत्तर कोरिया र कुवेत रहेका छन् । नेपालले मंगलबार कुवेत र बिहीबार उत्तर कोरियासँग प्रतिस्धर्पा गर्ने छ । च्याम्पियशीपमा चार समूहमा रहेका १६ वटा टोली उपाधिका लागि प्रतिस्पर्धा गर्ने छ । राउन्ड रोबिनको आधारमा सञ्चालन हुने प्रारम्भिक चरणमा शीर्ष २ टोली क्वाटरफाइनलमा पुग्ने छ । प्रतियोगिता शीर्ष चार स्थानमा पर्ने टोली अर्को वर्ष आयोजना हुने यु १७ विश्वकप फुटबलमा सहभागी हुन पाउने छन् ।