एकीकृत नेकपा माओवादीका अध्यक्ष पुष्पकमल दाहालले उच्चस्तरीय राजनीतिक सयन्त्र गठन नगरे संसद अवरुद्ध पार्ने चेतावनी दिएका छन्। प्रधानमन्त्री सुशील कोइरालालाई भेट्न सोमबार साँझ बालुटावारस्थित प्रधानमन्त्री निवास पुगेका दाहालले यस्तो चेतावनी दिएका हुन् ।
‘सत्तारुढ दलहरु राजनीतिक राजनीतिक सयन्त्र गठन गर्ने पूर्व प्रतिवद्धताबाट पछि हट्नु सविधान निर्माण प्रक्रियालाई भत्काउनु र प्राप्त उपलव्धिलाई संस्थागत गर्न नखोज्नु हो’ कोइरालासँगको भेटमा दाहालको भनाई उद्धृत गर्दै उनका स्वकीय सचिव चुडामणि खड्काले भने ।
खड्काअनुसार दाहालले संसदमा पनि माग
सम्बोधन नभए सडक आन्दोलन गर्न चेतावनी दिएका छन् ।
प्रधानमन्त्रीका प्रेस सल्लाहकार प्रकाश अधिकारीका अनुसार कोइरालाले अन्य प्रमुख दलहरुसँग समझदारी गरेर समस्या समाधान गर्न लागि परेको जानकारी दाहाललाई गराएका थिए ।
सोमबार बिहान बसेको सत्तारुढ चार दलको बैठकले सविधानसभा बाहिर यसप्रकारको समिति गठन गर्नु औचित्य नभएको निष्कर्ष निकालेको थियो। यसअघि सविधानको अन्तरबस्तुको बारेमा सहमति गर्न आइतबार बसेको तीन दलको बैठकमा कांग्रेस एमालेले समिति गठन गर्न अश्विकार गरेपछि माओवादीले बैठक बहिस्कार गरेको थियो।
