संसद बोलाइए प्रन्या

संविधानसभाको संवैधानिक–राजनीतिक संवाद तथा सहमति समितिले न्यायप्रणाली समितिको प्रतिवेदनमा रहेको संवैधानिक अदालत र संघीय न्यायिक आयोगसम्बन्धी विषयमा प्रधानन्यायाधीशसँग छलफल गर्ने भएको छ । समितिले मंगलबार बेलुका ५ बजे प्रधान न्यायाधीश दमोदारप्रसाद शर्मासँग छलफल गर्नेछ । लक्ष्मणलाल कर्ण नेतृत्वको उपसमितिले तयार पारेको सहमतिको प्रारम्भिक प्रतिवेदनअन्तर्गत संघीय न्यायिक आयोग र संवैधानिक अदालतका सम्बन्धमा कांग्रेस र एमालेका नेताहरूले नै विरोध जनाएपछि प्रधानन्यायाधीश शर्मासँग छलफल गर्न लागिएको हो । समितिले कर्ण नेतृत्वको उपसमितिको म्याद १५ गतेसम्म थप गरेको छ । यस्तै, समिति सभापति बाबुराम भट्टराईले विभिन्न क्षेत्रका प्रतिनिधिसँग गरेको छलफलमा उठेका संविधानसँग सम्बन्धित विषयबारे प्रतिवेदन तयार पार्न सात सदस्यीय उपसमिति गठन गरिएको छ ।