काठमाडौं– नेपालले विश्व क्रिकेट लिग डिभिजन ३ का लागि बिहीबारबाट शुरु हुने बन्द प्रशिक्षणका लागि २४ सदस्यीय प्रारम्भिक टोली घोषणा गरेको छ।
प्रतियोगिता युगान्डाको काम्पालामा कार्तिक ९ बाट १६ गतेसम्म हुनेछ। टोलीमा पारस खड्का (क्याप्टेन), ज्ञानेन्द्र मल्ल (भाइस क्याप्टेन), शरद भेषावकर, विनोद भण्डारी, शक्ति गौचन, रामनरेश गिरी, वसन्त रेग्मी, सुवास खकुरेल, जितेन्द्र मुखिया, सागर पुन, महबुब आलम, सोमपाल कामी, नरेश बुढाऐर, आरिफ शेख, प्रदिप ऐरी, पुष्प थापा, भुवन कार्की, अनिल मण्डल, अविनाश कर्ण, अमृत भट्टराई, मन्जित श्रेष्ठ, महेश क्षेत्री, राहुल विश्वकर्मा र यज्ञमान कुमाल छन्।
डिभिजन ३ मा नेपाल र आयोजक युगान्डासँगै अमेरिका, बर्मुडा सिंगापुर र मलेसिया रहेका छन्। सिगापुर र मलेसिया डिभिजन ४ बाट बढुवा भएका टोली हुन। शीर्ष २ टोली डिभिजन २ मा प्रवेश पाउने छन् । ६ टोलीले प्रतिस्पर्धा गर्ने डिभिजन २ बाट शीर्ष दुई टोली अन्तरमहादेशीय कपका लागि छनोट हुनेछन्।
जनवरीमा न्युजिल्यान्डमा भएको एकदिवसीय विश्वकप छनोटमा सहभागी नवौं भएपछि नेपाल रेलिगेसनमा परेको थियो।
