एसिसी यु–१६ क्रिकेटमा नेपालको चौथो जीत

 

काठमाडौं– मलेसिया जारी एसिसी यु–१६ प्रिमियर क्रिकेट प्रतियोगितामा नेपालले लगातार चौथो खेल जितेको छ । सोमबार भएको खेलमा नेपालले बहराइनलाई १ सय ८६ रनले पराजित गरेको छ। नेपालले यसअघिका खेलमा थाइल्यान्ड, सिंगापुर र ओमानलाई हराएको थियो ।

टस जितेको नेपालले निर्धारित ४० ओभरको खेलमा ८विकेट गुमाई २ सय ३३ रन बनायो।  नेपालका लागि प्रनित थापाले ६० बलमा नट आउट ७० रनको पारी खेलेका थिए ।  उनले ७चौका र १ छक्का प्रहार गरे। क्वालालम्पुरस्थित सेलान्गर टर्फ क्लबमा प्रतिउत्तर ब्याटिङ गरेको बहराइनले २४ ओभर ४ बलमा ४७  रन मात्रै बनाउन सक्यो ।

राउन्ड रोबिनको आधारमा सञ्चलान भएको प्रतियोगितामा नेपालले अन्तिम खेल बुधबार मलेसियासँग खेल्ने छ। दुवै देशका लागि बुधबारको खेल फाइनल खेल बराबरी हुनेछ ।

नेपालको ८ र मलेसियाको ७ अंक छ। पछिल्लो संस्करणअन्तर्गत दुई वर्षअघिनेपाल मलेसियासँगै फाइनलमा १ विकेटले पराजित भएको थियो। यसअघि यो प्रतियोगिता एसिसी यु–१६ एलिट भन्ने गरिन्थ्यो ।

रवि चन्दले ३३, सुशान्तसिंह थापा २९, आशिफ शेख ८, रवीन्द्रजंग शाही २३, सुमित महर्जन ३, जितेन्द्र सिंह  ५, पवन सरार्फ २० र आशिषपोखरेल २ रनमा आउट भए।

नेपालबाट अनिल खरेलले ३ विकेट लिए।त्यस्तै आशिष पोखरेलले २ तथा रिजन ढकाल, पवन सर्राफ, जितेन्द्रसिंहठकुरी र कप्तान सुमित महर्जनले एक-एक विकेट लिए। बहराइनका अभास मुज्जफर चौधरीले ३ विकेट लिए।