हाङपाङ समाज युकेको भेला सम्पन्न

लन्डन । हाङपाङ समाज युकेको द्वैवार्षिक भेला सम्पन्न भएको छ। समाजका अध्यक्ष टेकमान खपाङ्गी मगरको अध्यक्षता र महासचिव दीपेन्द्र फेयङ साँवाको सञ्चालनमा सम्पन्न उक्त भेलामा समाजका संस्थापक, संरक्षक, सल्लाहकार, सदस्य, चेलीबेटी, ज्वाइँचेलाका साथै युवापुस्ताको उल्लेखनीय सहभागिता रहेको थियो।

कार्यक्रमको उद्घाटन संस्थापक अध्यक्ष विश्वराज फेयङ साँवा र वर्तमान अध्यक्ष टेकमान खपाङ्गी मगरले पानसमा दीप प्रज्वलन गरेर गर्नुभएको थियो। स्वागत मन्तव्य वरिष्ठ उपाध्यक्ष मेदिनी फोम्बोले दिनुभयो भने स्वास्थ्य तथा सुरक्षाबारे उपाध्यक्ष दीपक यक्सोले प्रस्तुति दिनुभएको थियो।

समाजका संरक्षक सदस्यहरू विश्वराज फेयङ, यमबहादुर आङबुहाङ, मेजर (अवकाशप्राप्त) पदमबहादुर आङबुहाङ, काजिमान यक्सो, मीना यक्सो, रत्नबहादुर फोम्बो तथा कानुनी सल्लाहकार जयन्द्र आङबुहाङलाई खादा ओढाएर सम्मानपूर्वक स्वागत गरिएको थियो। त्यस्तै सल्लाहकार रुद्रकुमार खपाङ्गी मगर, कल्पना आङबुहाङ, कवितबहादुर यक्सो र नरेश खपाङ्गी मगरलाई पनि खादा लगाएर सम्मान गरिएको थियो।

भेलामा समाजका ज्येष्ठ सदस्य दिलबहादुर राना र फूलमाया रानालाई विशेष सम्मान गरिएको थियो। त्यस्तै, विभिन्न विश्वविद्यालयबाट स्नातक र स्नातकोत्तर तह उत्तीर्ण गर्न सफल युवाहरूलाई प्रमाणपत्र र खादा ओढाएर सम्मान गरिएको थियो।

जसमा विश्वास फोम्बोले केन्ट विश्वविद्यालयबाट एकाउन्ट र फाइनान्समा स्नातक डिग्री प्राप्त गरेका छन्। सोही विश्वविद्यालयबाट सायन यक्सोले क्रिमिनोलोजीमा स्नातक पूरा गरेकी छन्। दृश्य लिम्बूले सरे विश्वविद्यालयबाट कम्प्युटर साइन्समा स्नातक गरेकी हुन् भने डा. प्रेक्षा लिम्बूले सोफिया विश्वविद्यालयबाट मेडिसिनमा स्नातकोत्तर (एमडी) डिग्री हासिल गरेकी हुन्। करिना यक्सोले बाथ विश्वविद्यालयबाट फार्मेसीमा स्नातकोत्तर गरेकी छन्।

त्यस्तै, डा. डिसन फेयाङ लिम्बूले प्लेमथ विश्वविद्यालयबाट मेडिकल र सर्जरीमा स्नातक (एमबीबीएस) उपाधि प्राप्त गरेका छन्। लोकेन्द्र यक्सोले सिटी अफ लन्डन विश्वविद्यालयबाट डेटा साइन्समा स्नातकोत्तर गरेका छन् भने नेबिका यक्सोले ब्राइटन विश्वविद्यालयबाट एडल्ट नर्सिङमा स्नातक गरेकी छन्। सभाना खपाङ्गी मगरले बकिंघमशायर न्यू विश्वविद्यालयबाट एडल्ट नर्सिङमा स्नातक गरेकी हुन्। यसैगरी, नरेश खपाङ्गी मगरले किंग्स कलेज लन्डनबाट ग्लोबल अफेयर्समा स्नातकोत्तर उपाधि प्राप्त गरेका छन्।

यसैगरी, साहित्य र संगीतमा पुर्‍याएको योगदानको कदरस्वरूप सल्लाहकार कल्पना आङबुहाङलाई विशेष सम्मान गरिएको थियो। त्यस्तै, बेलायती सेनामा डब्ल्यूओटूबाट डब्ल्यूओवानमा पदोन्नति हुनुभएका समाजका सचिव याक्थुङहाङ आङबुहाङलाई बधाई दिइएको थियो। किरात याक्थुङ चुम्लुङ युकेको सिसेक्पा तङनाममा उत्कृष्ट सांस्कृतिक पहिरनतर्फ पुरस्कृत सल्लाहकार कवितबहादुर यक्सोलाई पनि बधाई दिइएको थियो।

भर्खरै वैवाहिक जीवनमा बाँधिनुभएका तथा समाजमा नयाँ सदस्य बन्नुभएकाहरूलाई भेलामा हार्दिक स्वागत गरिएको थियो।

संरक्षक मेजर पदमबहादुर आङबुहाङ, काजिमान यक्सो र सल्लाहकार रुद्रकुमार खपाङ्गी मगरले भेलामा छोटो मन्तव्य व्यक्त गर्नुभएको थियो।

नेपालबाट बेलायत भ्रमणमा आउनुभएका लोकबहादुर थापा, विष्णुमाया आले र राममाया आलेलाई समेत विशेष स्वागत गरिएको थियो।

कार्यक्रममा चन्द्र (कैलाश) आङबुहाङ, दीपक यक्सो, दीपक आङबुहाङ, काजिमान यक्सो, कवितबहादुर यक्सो लगायतको समूहले केलाङ नृत्य प्रस्तुत गरेका थिए भने नेपालबाट आएकी चर्चित गायिका निरन्ता नेम्वाङले विभिन्न गीतहरू प्रस्तुत गरी दर्शकलाई भरपूर मनोरञ्जन दिनुभएको थियो।