महेशकुमार श्रेष्ठ नेतृत्वको एनआरएनएलाई परराष्ट्रको मान्यता

काठमाडौं । महेशकुमार श्रेष्ठ नेतृत्वको गैरआवासीय नेपाली संघ अन्तर्राष्ट्रिय समन्वय समितिलाई परराष्ट्र मन्त्रालयले मान्यता दिएको छ ।

पूर्वअध्यक्ष डा. शेष घले नेतृत्वको उच्चस्तरीय समितिले गरेको एनआरएनएको एकता महाधिवेशनबाट चुनिएको श्रेष्ठ नेतृत्वको समितिलाई मान्यता दिइएको हो । काठमाडौंमा मे ३ र ५ मा भएको एकता अधिवेशनबाट श्रेष्ठ नेतृत्वको कार्यसमिति निर्विरोध भएको थियो ।

यसअघि पनि गैरआवासीय नेपाली संघका नाममा विभिन्न समूहहरू रहेकोमा परराष्ट्र मन्त्रालयले ११ औं महाधिवेशनबाट चुनिएको बद्री केसी अध्यक्षताको समितिलाई मान्यता दिएको थियो । तर, श्रेष्ठ नेतृत्वको समितिलाई परराष्ट्रले  वैधानिकता दिएपछि भने दुईवटा बलिया धारका संगठनहरू सृजना भएका हुन् । केसी नेतृत्वको एनआरएनएको म्याद आगामी अक्टोबरमा सकिँदै छ ।