क्षेत्री समाज बेलायतको आगामी अप्रिल ५ मा साधारणसभा, नयाँ नेतृत्व चयन गरिने

तीन सदस्यीय निर्वाचन समिति गठन

लन्डन । क्षेत्री समाज बेलायतको नयाँ नेतृत्व चयनका लागि आगामी अप्रिल ५ तारिखमा साधारणसभा हुने भएको छ । गत १६ डिसेम्बर २०२४ मा बसेको बैठकले अल्डरसटमा ५ अप्रिलमा ९ औं साधारणसभा गर्ने निर्णय गरेको हो ।

साधारणसभाले २०२५–२७ का लागि नयाँ कार्यसमिति चयन गर्नेछ । कार्यसमिति चयन गर्न समाजले विधानअनुरुप तीन सदस्यीय निर्वाचन समितिसमेत गठन गरिसकेको छ । सदस्यहरुमा समाजका सल्लाहकार डा. राम अधिकारी, समाजका पूर्वअध्यक्ष तथा वर्तमान सल्लाहकार रि. क्याप्टेन धन कुँवर र समाजका पूर्वअध्यक्ष तथा सल्लाहकार यज्ञ क्षेत्री छन् ।

साधारणसभामा वर्तमान कार्यसमितिले आफ्नो कार्यकालमा समाजको तर्फबाट भए गरेका आर्थिक एवं सांगठनिक प्रतिवेदनबारे छलफलपछि अनुमोदन गराइने योजना छ । बैठकले साधारणसभामा समाजका सबै सदस्यहरुलाई सहभागी भइ कार्यसमितिले गरेका कामको अनुमोदन, सल्लाह–सुझाव साथै नयाँ कार्यसमिति निर्माण गर्ने कार्यमा सभागी हुन आह्वानसमेत गरेको छ ।

बैठकले पन्जीकृत रहेका आवधिक सदस्यहरुलाई आफ्नो सदस्यता अद्यावधिक गराउन र समाजको सदस्य बन्न चाहनेलाई सदस्यता लिन पनि आह्वान गरको छ ।

सदस्यता अध्यावधिक गर्न र नयाँ सदस्य बन्न चाहनेहरुले क्षेत्री समाज बेलायतका महासचिवको इमेल- [email protected] अथवा उपाध्यक्षको इमेल [email protected] मा सम्पर्क राखी सन् २०२५ मार्च २० तारिख भित्र आफ्नो सदस्यता कायम गरिसक्नुपर्ने क्षेत्री समाज बेलायतले जनाएको छ ।