शैक्षिक क्षेत्रमा सहयोगार्थ च्यारिटी डिनर आयोजना गर्ने पाँचथर समाज सेवा युकेको निर्णय

लन्डन । पाँचथर समाज सेवा युकेले शैक्षिक क्षेत्रमा सहयोगार्थ आगामी ८ फेब्रुअरी २०२५ मा च्यारिटी डिनर आयोजना गर्ने निर्णय गरेको छ ।

आइतबार २९ डिसेम्बरका दिन अध्यक्ष शान्ति लिम्बुको अध्यक्षतामा भर्चुअलमाध्यमबाट बसेको साधारणसभाले च्यारिटी डिनर गर्ने लगायत निर्णय पारित गरेको हो । संकलित रकम पाँचथर जिल्लामा अवस्थित विद्यालयहरुमा सहयोग गरिने छ ।

सांस्कृतिक विभाग प्रमुख गायक तारा लक्समले आफू नेतृत्वको विभागको समीक्षा गर्दै अब हुने च्यारिटी कार्यक्रम सफल पार्न सबैको सल्लाह, सुझाव र साथ सहयोग हुनु पर्ने बताउनुभयो ।साधारणसभामा महासचिव लाहाङ चेम्जोङले वार्षिक कार्यप्रतिवेदन र कोषाध्यक्ष शिखर साम्बाहाङ्फेले पेस गर्नुभएको आर्थिक प्रतिवेदन सर्वसम्मत पारित गरिएको अध्यक्ष शान्ति लिम्बुले जानकारी दिनुभयो ।

सल्लाहकार चन्द्र सुदासले कार्यसमितिको केही कमीकमजोरी रहेको औंल्याउँदै त्यसलाई तुरुन्तै सल्ट्याउनु पर्ने सुझाव दिनुभयो ।

मिडिया सेक्रेटरी सुक तुम्रोक, कार्यकारी सदस्य एवम् उद्घोषिका पारु राई, दिपा लिम्बु र रस्मी लिम्बुले संस्थाप्रतिको उपलब्धि र भावी योजनाहरुको सफलताको शुभकामनासहित मन्तव्य राख्नुभएको थियो । सभामा सल्लाहकारहरु चन्द्र सुन्दास, लिला सेलिङ माबो, नरबिर आङ्बोको समेत उपस्थिति रहेको थियो । सभामा वरिष्ठ उपाध्यक्ष नगेन्द्र नेम्बाङले स्वागत मन्तव्य र महासचिव लाहाङ चेम्जोङले सभा सन्चालन गर्नुभएको थियो ।

अध्यक्ष शान्ति लिम्बुले सभामा उपस्थित सलाहकारहरु, कार्यसमितिलगायत सबै सदस्यहरुको संस्थाप्रति साथ सहयोग र योगदानलाई प्रोत्साहन दिँदै सभामा उपस्थितिका लागि धन्यवादसहित साधारणसभा समापन गर्नुभएको थियो ।