इ-भिजा परिवर्तनमा ढिलाई नगर्न बेलायतका नेपाली समुदायलाई दूतावासको आग्रह

लन्डन । नेपाली राजदूतावास लन्डनले इ-भिजा परिवर्तनमा ढिलाई नगर्न बेलायतका नेपाली समुदायलाई आग्रह गरेको छ ।

दूतावासले हालै सूचना प्रकाशित गरी समयसीमाभित्रै इ-भिजा सुरक्षित गर्न आह्वान गरेको हो । दूतावासले यूके भिजाज् एण्ड इमिग्रेसन (यूकेभिआइ) अकाउन्ट क्रियट गरेर इ-भिजा कन्भर्ट गर्न सुझाव दिएको छ ।

१८ वर्ष मुनीका सन्तान र डिपेन्डेन्टका हकमा अभिभावकले अकाउन्ट खोल्न सघाउन सक्छन् । बेलायत सरकारले बायोमेट्रिक रेसिडेन्स कार्ड (बीआरसी) र बायोमेट्रिक रेसिडेन्स परमिट (बीआरपी) कार्ड प्रतिस्थापन गरी डिजिटल इ–भिजा लागू गर्न लागेको म्याद डिसेम्बर ३१ सम्ममात्र छ । डिसेम्बर ३१ पछिको भिजा हुनेहरुले पनि अनिवार्य इ–भिजा परिवर्तन गर्नुपर्ने नियम ल्याइएको छ ।

तर, गृह मन्त्रालयले यात्रा गर्न भने पुरानै बीआरपी कार्डबाट मार्च ३१ सम्म मिल्ने बताएको छ ।